தளபதி விஜய் தற்போது தனது 65வது திரைப்படமான ’பீஸ்ட்’ என்ற திரைப்படத்தில் நடித்து வருகிறார் என்பதும் இந்த படத்தின் படப்பிடிப்பு இவ்வாண்டு இறுதிக்குள் முடிந்துவிடும் என்றும் எதிர்பார்க்கப்படுகிறது. இதனை அடுத்து அடுத்த ஆண்டு ’தளபதி 66’ படத்தில் விஜய் நடிக்க உள்ளார் என்பதும் இந்த படத்தை வம்சி இயக்க உள்ளார் என்பதும் தில் ராஜூ தயாரிக்க உள்ளார் என்பதும் அதிகாரபூர்வமாக அறிவிக்கப்பட்டது என்பது தெரிந்ததே.

இந்த நிலையில் ’தளபதி 67’படத்தின் தயாரிப்பாளர் மற்றும் இயக்குனர் குறித்த தகவல் தற்போது கசிந்துள்ளது. விஜய் நடிக்கும் ’தளபதி 67’ திரைப்படத்தை கலைப்புலி எஸ் தாணு தயாரிக்க உள்ளதாகவும் இயக்குனர் லோகேஷ் கனகராஜ் இயக்க உள்ளதாகவும் கூறப்படுகிறது.

விஜய் மற்றும் கலைப்புலி தாணு ஏற்கனவே ’துப்பாக்கி’ படத்தில் இணைந்துள்ள நிலையில் மீண்டும் இணைகின்றனர் என்பதும், அதே போல் ’மாஸ்டர்’ படத்திற்கு பிறகு மீண்டும் விஜய்யுடன் லோகேஷ் கனகராஜ் இணைகிறார் என்றும் கூறப்படுகிறது. இதுகுறித்த அதிகாரபூர்வ அறிவிப்பு இன்னும் ஒரு சில வாரங்களில் வெளிவரும் என்று எதிர்பார்க்கப்படுகிறது.