தளபதி விஜய் நடித்த ’பீஸ்ட்’ திரைப்படம் வரும் ஏப்ரல் 13-ஆம் தேதி வெளியாக இருக்கும் நிலையில் இந்த படம் குறித்த செய்திகள் தினந்தோறும் வெளியாகி இணையதளங்களில் வைரலாகி வருகிறது.

அந்த வகையில் தற்போது இந்த படத்தில் தளபதி விஜய் கேரக்டர் பெயர் குறித்த தகவல் வெளியாகியுள்ளது. முன்னணி வார இதழில் இந்த படம் குறித்த பல விபரங்கள் வெளியாகியுள்ள நிலையில் அதில் ஒன்று விஜய்யின் கேரக்டர் பெயர் வீரராகவன் என குறிப்பிடப்பட்டுள்ளது. இந்த மாஸ் தகவல் தற்போது விஜய் ரசிகர்கள் மத்தியில் வைரலாகி வருகிறது.

இந்த படத்தின் டிரைலர் நாளை வெளியாகவிருக்கும் நிலையில் இப்போதே டிரைலர் குறித்த ஹேஷ்டேக் சமூக வலைதளங்களில் ட்ரெண்ட் ஆகி உள்ளது என்பது குறிப்பிடத்தக்கது. நெல்சன் இயக்கத்தில், அனிருத் இசையில் உருவாகியுள்ள இந்த படத்தை சன் பிக்சர்ஸ் நிறுவனம் பிரம்மாண்டமாக தயாரித்துள்ளது. விஜய், பூஜா ஹெக்டே, செல்வராகவன், யோகிபாபு, ஷைன் டாம் சாக்கோ, விடிவி கணேஷ், அபர்ணா தாஸ்உள்பட பலர் இந்த படத்தில் நடித்துள்ளனர்.