விஜய்யின் 'பீஸ்ட்': மாஸ் புகைப்படத்துடன் முக்கிய அறிவிப்பை வெளியிட்ட சன் பிக்சர்ஸ்!
- IndiaGlitz, [Saturday,December 11 2021]
தளபதி விஜய் நடித்து வரும் ’பீஸ்ட்’ திரைப்படத்தின் படப்பிடிப்பு கடந்த சில மாதங்களாக நடைபெற்று வந்தது என்பதும் இந்த படத்தின் இறுதிகட்டப் படப்பிடிப்பு சென்னையில் உள்ள ஸ்டூடியோவில் கடந்த சில நாட்களாக நடைபெற்று வந்தது என்பதும் தெரிந்ததே.
இந்த நிலையில் சற்று முன் சன் பிக்சர்ஸ் நிறுவனம் ’பீஸ்ட்’ படத்தின் படப்பிடிப்பு இன்றுடன் நிறைவு பெற்றதாக அறிவித்து உள்ளது. மேலும் நெல்சன் மற்றும் விஜய் ஆகிய இருவரும் கட்டிப்பிடித்து தங்கள் அன்பை பரிமாறிக்கொள்ளும் மாஸ் புகைப்படம் ஒன்றையும் வெளியிட்டுள்ள நிலையில் இந்த புகைப்படம் மிகப்பெரிய அளவில் வைரலாகி வருகிறது. மேலும் இது குறித்த ஹேஷ்டேக் டிரண்டாகி உள்ளது என்பது குறிப்பிடத்தக்கது.
’பீஸ்ட்’ படத்தின் படப்பிடிப்பு முடிவடைந்ததை அடுத்து விரைவில் இந்த படத்தின் போஸ்ட் புரடொக்ஷன் பணிகள் தொடங்க உள்ளன என்பதும் இந்த படம் வரும் ஏப்ரல் மாதம் தமிழ் புத்தாண்டு தினத்தில் வெளிவர அதிக வாய்ப்பு இருப்பதாக கூறப்படுகிறது.
Here’s a special moment from Thalapathy @actorvijay’s last day of shoot for #Beast with director @Nelsondilpkumar@hegdepooja @anirudhofficial @manojdft @nirmalcuts @anbariv #BeastShootWrap pic.twitter.com/6f2Tj2a4lE
— Sun Pictures (@sunpictures) December 11, 2021