திரையுலகில் விஜய்யின் 29 வருடங்கள்: காமன் டிபி போஸ்டர் வைரல்!
- IndiaGlitz, [Saturday,December 04 2021]
தமிழ் திரையுலகில் விஜய் கதாநாயகனாக அறிமுகமாகிய 29 வருடங்கள் ஆனதை அடுத்து அவரது ரசிகர்கள் காமன் டிபி போஸ்டரை வெளியீடு கொண்டாடி வருகின்றனர்.
கடந்த 1992ஆம் ஆண்டு டிசம்பர் 4ஆம் தேதி விஜய் கதாநாயகனாக நடித்த முதல் திரைப்படமான ’நாளைய தீர்ப்பு’ என்ற திரைப்படம் வெளியானது. இந்த படம் வெளியாகி இன்றுடன் 29 வருடங்கள் ஆனதை அடுத்து விஜய்யின் 29 வருட திரையுலக வாழ்க்கை என்ற ஹேஸ்டேக் டுவிட்டரில் இந்திய அளவில் டிரெண்ட் ஆகி வருகிறது என்பது குறிப்பிடத்தக்கது.
ஆரம்ப காலத்தில் ரொமான்ஸ் படங்களில் நடித்து வந்த விஜய், அதன்பின் ஆக்ஷன் மற்றும் மாஸ் படங்களுக்கு மாறினார் என்பதும் அவரது ’கில்லி’ திரைப்படம் அவருக்கு மிகப் பெரிய மாஸ் ஹீரோ அந்தஸ்தை கொடுத்தது என்பது குறிபிடத்தக்கது. அதனை அடுத்து திருப்பாச்சி, சிவகாசி, போக்கிரி ஆகிய படங்கள் மிகப் பெரிய வெற்றி பெற்றது என்பதும் குறிப்பிடத்தக்கது.
விஜய்யின் சமீபகால படங்கள் 200 கோடியை தாண்டி வசூல் செய்து வரும் நிலையில் பாக்ஸ் ஆபீஸ் ஹீரோவாகவும் அவர் திகழ்கிறார் என்பது குறிப்பிடத்தக்கது. தற்போது ’பீஸ்ட்’ என்ற திரைப்படத்தில் நடித்து வரும் விஜய், முதல்முறையாக நேரடி தெலுங்கு படத்தில் நடிக்க இருக்கிறார் என்பதும் குறிப்பிடத்தக்கது.
இந்த நிலையில் 29 வருடங்கள் திரையுலக வாழ்க்கையை நிறைவு செய்த விஜய்க்கு அவரது ரசிகர்கள் மற்றும் திரையுலகினர் வாழ்த்துக்களை தெரிவித்து வருகின்றனர்.