'தளபதி 69' படத்தில் விஜய்க்கு ஜோடி இவரா? 20 வருடங்களுக்கு முன் திரையுலகை கலக்கியவர்..!
- IndiaGlitz, [Monday,September 09 2024]
தளபதி விஜய் நடிக்க இருக்கும் கடைசி திரைப்படமான ’தளபதி 69’ திரைப்படத்தில் அவருக்கு ஜோடியாக நடிக்கும் நடிகை குறித்த தகவல் வெளியாகி உள்ளன. இந்த நடிகை கடந்த 20 வருடங்களுக்கு முன் தமிழ் திரை உலகத்தை கலக்கியவர் என்பது குறிப்பிடத்தக்கது.
தளபதி விஜய் நடிப்பில், எச் வினோத் இயக்கத்தில் உருவாக இருக்கும் ’தளபதி 69’ படத்தின் ஆரம்பகட்ட பணிகள் விறுவிறுப்பாக நடைபெற்று வரும் நிலையில் இந்த படத்தில் நடிக்கும் நட்சத்திரங்கள் தேர்வு தற்போது நடைபெற்று வருவதாக கூறப்படுகிறது.
இந்த படத்தில் பிரபல மலையாள நடிகை மமிதா பாஜு நடிக்க இருப்பதாக கூறப்பட்ட நிலையில் தற்போது இந்த படத்தில் விஜய்க்கு ஜோடியாக சிம்ரன் நடிக்க இருப்பதாக தெரிகிறது.
விஜய் மற்றும் சிம்ரன் ஆகிய இருவரும் ’ஒன்ஸ்மோ’ என்ற திரைப்படத்தில் முதல் முதலாக இணைந்து நடித்து அதன் பின்னர் ’துள்ளாத மனமும் துள்ளும்’ ’பிரியமானவளே’ ’யூத்’ உள்ளிட்ட படங்களில் நடித்துள்ளனர். இந்த நிலையில் நீண்ட இடைவேளைக்கு பிறகு தற்போது மீண்டும் விஜய் சிம்ரன் ஜோடியாக நடிக்க இருப்பதாகவும் இது குறித்து அறிவிப்பு விரைவில் வெளியாகும் என்றும் கூறப்படுகிறது
விஜய் நடித்த ’கோட்’ திரைப்படத்தில் சினேகா நடித்த நிலையில் தற்போது அடுத்த படத்தில் சிம்ரன் நடிக்க இருப்பது விஜய் ரசிகர்களுக்கு மகிழ்ச்சியை ஏற்படுத்தி உள்ளது.