தளபதி 69.. புத்தாண்டு தினத்தில் டபுள் விருந்து.. விஜய் ரசிகர்கள் உற்சாகம்..!
- IndiaGlitz, [Sunday,December 15 2024]
புத்தாண்டு தினத்தில் 'தளபதி 69’ படத்தின் இரண்டு அறிவிப்புகள் வெளியாகும் என்று எதிர்பார்க்கப்படுவதால், விஜய் ரசிகர்கள் உற்சாகமடைந்துள்ளனர்.
கடந்த சில மாதங்களுக்கு முன்பு தளபதி விஜய் தமிழக வெற்றி கழகம் என்ற அரசியல் கட்சியை தொடங்கிய நிலையில், அவர் தற்போது நடித்துக் கொண்டிருக்கும் ’தளபதி 69’ படத்துடன் சினிமாவை விட்டு விலகப் போவதாக அறிவித்துள்ளார். விஜய்யின் கடைசி படம் என்பதால், இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது.
எச் வினோத் இயக்கத்தில் உருவாகி வரும் இந்த படத்தின் படப்பிடிப்பு சமீபத்தில் தொடங்கிய நிலையில், விறுவிறுப்பாக நடைபெற்று வருவதாக தகவல் வெளியாகி உள்ளது. இந்த நிலையில், இந்த படம் குறித்த அதிகாரப்பூர்வ அறிவிப்பு புத்தாண்டு தினத்தில் வெளியாக இருப்பதாக கூறப்படுகிறது.
டிசம்பர் 31ஆம் தேதி மாலை ஆறு மணிக்கு ’தளபதி 69’ படத்தின் பர்ஸ்ட் லுக் போஸ்டர் வெளியாகும் என்றும், ஜனவரி 1 புத்தாண்டு தினத்தில் அதிகாலை 12 மணிக்கு இரண்டாவது லுக் போஸ்டர் வெளியாகும் என்றும் கூறப்படுகிறது.
மேலும், இந்த படத்தில் நடிக்கும் நட்சத்திரங்கள் மற்றும் தொழில்நுட்ப கலைஞர்களின் முழு விவரங்களையும் அறிவிக்க படக்குழுவினர் திட்டமிட்டுள்ளதாக கூறப்படுகிறது. இந்த தகவல் விஜய் ரசிகர்களுக்கு பெரும் உற்சாகத்தை அளித்துள்ளது என்பது குறிப்பிடத்தக்கது.