'தளபதி 68' படத்தின் பூஜை இந்த தேதியிலா? ரசிகர்களுக்கு டபுள் ட்ரீட்..!
- IndiaGlitz, [Thursday,May 25 2023]
தளபதி விஜய் நடிக்க இருக்கும் ’தளபதி 68’ திரைப்படத்தின் அதிகாரபூர்வ அறிவிப்பு சமீபத்தில் வெளியான நிலையில் தற்போது இந்த படத்தின் பூஜை நடைபெறும் தேதி குறித்த தகவல் கசிந்து உள்ளது.
தளபதி விஜய் நடிப்பில், இயக்குனர் வெங்கட் பிரபு இயக்கத்தில், அனிருத் இசையில், ஏஜிஎஸ் என்டர்டைன்மென்ட் நிறுவனத்தின் தயாரிப்பில் உருவாக இருக்கும் திரைப்படம் ’தளபதி 68’. ‘லியோ’ படத்தின் படப்பிடிப்பு முடிந்த பிறகு இந்த படத்தின் அப்டேட்டுகள் வெளியாகும் என்றும் இந்த படத்தின் படப்பிடிப்பும் விரைவில் தொடங்கும் என்றும் கூறப்பட்டது.
இந்த நிலையில் வரும் ஜூன் 22ஆம் தேதி விஜய்யின் பிறந்த நாளன்று ’தளபதி 68’ படத்தின் பூஜை நடைபெற வாய்ப்பு இருப்பதாக கூறப்படுகிறது. ஆனால் ’லியோ’ படத்தின் பூஜை தொடர்பான புகைப்படங்கள் தாமதமாக வெளியான மாதிரி, ’தளபதி 68’ படத்தின் பூஜை குறித்த புகைப்படங்கள், வீடியோக்கள் ’லியோ’ படத்தின் ரிலீஸ்க்கு பின்னரே வெளியாகும் என்றும் கூறப்படுகிறது.
மேலும் இந்த படத்தில் நடிக்க இருக்கும் நடிகர், நடிகைகள் மற்றும் தொழில்நுட்ப கலைஞர்கள் குறித்த தேர்வை வெங்கட் பிரபு தொடங்கி விட்டதாகவும் விரைவில் இது குறித்த தகவல்கள் கசிய வாய்ப்பு இருப்பதாகவும் கூறப்படுகிறது.
விஜய்யின் பிறந்த நாளன்று ‘தளபதி 68’ படத்தின் பூஜை நடைபெறும் என்பதால் அன்றைய தினம் ரசிகர்களுக்கு டபுள் ட்ரீட் என்பது குறிப்பிடத்தக்கது.