தளபதி விஜய் நடிக்க இருக்கும் அடுத்த திரைப்படம் ஆன ’தளபதி 68’ படத்தின் ஆரம்பகட்ட பணிகள் தற்போது நடைபெற்று வருகிறது. குறிப்பாக இந்த படத்தில் விஜய்யுடன் நடிக்கும் நட்சத்திரங்கள் குறித்த தகவல்கள் வெளியாகி வருகின்றன.

ஏற்கனவே இந்த படத்தின் நாயகிகளாக சினேகா மற்றும் பிரியங்கா மோகன் நடிக்க இருப்பதாக கூறப்பட்டது. மேலும் முக்கிய கேரக்டர்களில் பிரசாந்த் மற்றும் பிரபுதேவா நடிக்க இருப்பதாகவும் தகவல்கள் வெளியாகின.

இந்த நிலையில் இந்த படத்தின் முக்கிய வில்லன் கேரக்டரில் அரவிந்த்சாமி நடிக்க இருப்பதாக செய்திகள் கசிந்துள்ளன. ஏற்கனவே ’தனி ஒருவன்’ திரைப்படத்தில் அட்டகாசமான வில்லன் கேரக்டரில் நடித்த அரவிந்த்சாமி சமீபத்தில் வெங்கட் பிரபு இயக்கத்தில் உருவான ’கஸ்டடி’ திரைப்படத்தில் கலக்கி இருப்பார்.

இந்த நிலையில் வெங்கட் பிரபு இயக்கத்தில் உருவாக இருக்கும் அடுத்த படமான ‘தளபதி 68’ படத்தில் அரவிந்த்சாமி நடிப்பதற்கு அதிக வாய்ப்பு இருப்பதாக கூறப்படுவது இந்த படத்தின் எதிர்பார்ப்பு உச்சத்தை நோக்கி சென்று கொண்டிருக்கிறது என்பது குறிப்பிடத்தக்கது.