ட்விட்டர் உள்ளிட்ட சமூக வலைதளங்களில் திடீரென ’தளபதி 68’ படத்தின் இயக்குனர் குறித்த ஹேஸ்டேக் ட்ரெண்ட் ஆகி வருவது விஜய் ரசிகர்கள் மத்தியில் பரபரப்பை ஏற்படுத்தி உள்ளது.

தளபதி விஜய் நடித்து வரும் 67வது திரைப்படமான ’லியோ’ படத்தின் படப்பிடிப்பு விறுவிறுப்பாக நடைபெற்று வருகிறது. இன்னும் ஓரிரு மாதங்களில் இந்த படத்தின் படப்பிடிப்பு முடிந்து விடும் என்று எதிர்பார்க்கப்படுகிறது. ஏற்கனவே அக்டோபர் 19ஆம் தேதி இந்த படம் வெளியாக இருப்பதாக அறிவிக்கப்பட்டுள்ளது என்பது தெரிந்ததே.

நிலையில் கடந்த சில நாட்களாக ’தளபதி 68’ படத்தின் செய்திகள் கசிந்து வந்தன. மேலும் இந்த படத்தை பிரபல தெலுங்கு இயக்குனர் கோபிச்சந்த் இயக்க இருப்பதாக கூறப்பட்டது. சமீபத்தில் இவரது இயக்கத்தில் உருவான ‘வீரசிம்ஹ ரெட்டி’ என்ற திரைப்படம் மாஸ் வெற்றி பெற்றது என்பது குறிப்பிடத்தக்கது.

இந்த நிலையில் தற்போது கோபிசந்த், விஜய்யின் அடுத்த படத்தை இயக்குவது கிட்டத்தட்ட செய்தி உறுதி செய்யப்பட்டுள்ளதாக கூறப்படுகிறது. தளபதி விஜய் நடிப்பில் கோபிசந்த் இயக்கத்தில் உருவாகும் படம் தான் ’தளபதி 68’ என்றும் இந்த படத்தின் அறிவிப்பு விரைவில் வெளியாகும் என்றும் கூறப்படுகிறது.

ஏற்கனவே கார்த்திக் சுப்புராஜ், அட்லீ உள்ளிட்டோர் விஜய்யின் அடுத்த படத்தை இயக்குவார்கள் என்று கூறப்பட்ட நிலையில் தற்போது திடீரென கோபிசந்த் தான் ’தளபதி 68’ படத்தை இயக்க உள்ளார் என்று கூறப்படுவது பரபரப்பை ஏற்படுத்தியுள்ளது.