'தளபதி 68' படத்தின் வியாபாரம் அதற்குள் தொடங்கிவிட்டதா? ஆச்சரிய தகவல்..!
- IndiaGlitz, [Sunday,July 16 2023]
தளபதி விஜய் நடித்த ’லியோ’ திரைப்படத்தின் படப்பிடிப்பு முடிவடைந்து தற்போது தொழில்நுட்ப பணிகள் நடைபெற்று வருகிறது என்பதும் இந்த படம் அக்டோபர் 19ஆம் தேதி ரிலீஸ் செய்ய படக்குழுவினர் திட்டமிட்டுள்ளனர் என்பது தெரிந்ததே. மேலும் இந்த படத்தின் புரோமோஷன் பணிகள் விரைவில் தொடங்கப்படும் என்று எதிர்பார்க்கப்படுகிறது.
இந்த நிலையில் தளபதி விஜய் நடிக்கும் அடுத்த படமான ‘தளபதி 68’ படம் குறித்த அதிகாரப்பூர்வ அறிவிப்பு சமீபத்தில் வெளியானது. ஏஜிஎஸ் நிறுவனத்தின் தயாரிப்பில் வெங்கட் பிரபு இயக்கத்தில் உருவாக உள்ள இந்த படத்திற்கு யுவன் சங்கர் ராஜா இசையமைக்க உள்ளார்.
இந்த படத்தின் திரைக்கதை அமைக்கும் பணியை வெங்கட் பிரபு முடித்து விட்டதாகவும் இன்னும் ஒரு சில மாதங்களில் படப்பிடிப்பு தொடங்கும் என்றும் கூறப்படுகிறது
இந்த நிலையில் இந்த படத்தின் இசை வெளியீட்டு உரிமையை பிரபல நிறுவனம் ஒன்று மிகப் பெரிய தொகைக்கு வாங்கி உள்ளதாக கூறப்படுகிறது. நீண்ட இடைவேளைக்கு பின்னர் விஜய் மற்றும் யுவன் சங்கர் ராஜா இணையும் படம் என்பதால் இந்த படத்தின் பாடல்களுக்கு மிகப்பெரிய எதிர்பார்ப்பு இருப்பதால் பெரிய அளவில் வியாபாரம் நடந்துள்ளதாக தகவல் வெளியாகியுள்ளன.