டாம் குரூஸ் பாணியில் ஆக்சன் காட்சிகள்: வேற லெவலில் 'தளபதி 67'
- IndiaGlitz, [Wednesday,December 21 2022]
ஹாலிவுட்டில் உருவாகும் டாம் குரூஸ் படங்களில் ஆக்ஷன் காட்சிகளுக்கு இணையாக ‘தளபதி 67’ படத்தின் ஆக்சன் காட்சிகள் உருவாக்கப்படும் என்ற தகவல் தற்போது கோலிவுட் திரையுலகில் பரபரப்பை ஏற்படுத்தி உள்ளது.
ஹாலிவுட் படத்தின் ஆக்சன் காட்சிகள் என்றால் உடனே அனைவருக்கும் ஞாபகம் வருவது டாம் குரூஸ் படங்களில் உள்ள காட்சிகள் தான் என்றும் சமீபத்தில் வெளியான வீடியோவில் டாம் குரூஸ் தத்ரூபமாக ஸ்டண்ட் காட்சிகளில் நடித்து இருப்பார் என்பதை பார்த்தோம்.
இந்த நிலையில் தளபதி விஜய் நடிப்பில் லோகேஷ் கனகராஜ் இயக்கத்தில் உருவாக இருக்கும் ‘தளபதி 67’ படத்தின் பூஜை சமீபத்தில் நடந்த நிலையில் தற்போது படப்பிடிப்பு தொடங்கி விட்டதாக கூறப்படுகிறது. இந்த படத்தின் படப்பிடிப்பு ஜம்மு காஷ்மீர், லடாக் உள்ளிட்ட பகுதிகளில் நடைபெற உள்ளதாகவும் வெளிநாடுகளிலும் பல காட்சிகள் படமாக்கப்பட இருப்பதாகவும் கூறப்படுகிறது. இந்த நிலையில் இந்த படம் முழுக்க முழுக்க ஒரு அதிரடி ஆக்ஷன் படமாக இருக்கும் என்றும் இந்திய திரையுலகிலேயே இதுவரை இல்லாத அளவில் இந்த படத்தின் ஆக்ஷன் காட்சிகள் இருக்கும் என்றும் கூறப்படுகிறது. குறிப்பாக டாம் குரூஸ் ஸ்டண்ட் காட்சிகளுக்கு இணையாக ’தளபதி 67’ படத்தில் ஸ்டண்ட் காட்சிகள் இருக்கும் என்றும் பல ஹாலிவுட் ஸ்டண்ட் கலைஞர்கள் இந்த படத்தில் பங்கேற்க இருப்பதாக கூறப்படுகிறது.
மேலும் சஞ்சய்தத், கௌதம் மேனன், நிவின்பாலி உள்ளிட்ட பிரபலங்கள் இந்த படத்தில் வில்லன்களாக நடிக்க இருப்பதால் இந்த படத்தில் ஹீரோவுக்கு இணையாக வில்லன்களுக்கும் கதையில் முக்கியத்துவம் இருக்கும் என்றும் கூறப்படுகிறது. விஜய் ஜோடியாக த்ரிஷா நடித்திருக்கும் இந்த படம் பெரும் எதிர்பார்ப்பை ஏற்படுத்தியுள்ளது என்பது குறிப்பிடத்தக்கது.