'தளபதி 67' ஒரு LCU படமா? அவரே கூறிய மாஸ் தகவல்!
- IndiaGlitz, [Monday,August 29 2022]
தளபதி விஜய் நடிப்பில், லோகேஷ் கனகராஜ் இயக்கத்தில் உருவாக இருக்கும் ’தளபதி 67’ படத்தின் படப்பிடிப்பு இன்னும் தொடங்காத நிலையில் இந்த படம் குறித்த தகவல்கள் தினந்தோறும் கசிந்து வருகின்றன என்பதை பார்த்து வருகிறோம்.
இந்த படத்தில் ஆக்ஷன் கிங் அர்ஜுன் உள்பட 6 மாஸ் வில்லன்கள் நடிக்க இருப்பதாகவும் த்ரிஷா, சமந்தா மற்றும் கீர்த்தி சுரேஷ் நாயகிகளாக நடிக்க இருப்பதாகவும் கூறப்படுகிறது. அனிருத் இசையில் உருவாக இருக்கும் இந்த படத்தை மிகப்பெரிய ஆவலுடன் ரசிகர்கள் எதிர்பார்த்து காத்திருக்கின்றனர்.
இந்த நிலையில் சமீபத்தில் பேட்டி ஒன்றில் லோகேஷ் கனகராஜ் ‘தளபதி 67’ குறித்து கூறியபோது, ‘இந்த படம் வழக்கமான LCU படமா? அல்லது ஒரு தனித்துவமான படமா? என்பதை இன்னும் முடிவு செய்யவில்லை என்றும், ஆனால் அதே நேரத்தில் இது ஒரு பக்கா ஆக்ஷன் படம் என்றும் முழுக்க முழுக்க இது ஆக்ஷன் திரில்லர் படமாக மட்டுமே இருக்கும் என்றும் அவர் தெரிவித்துள்ளார்.
லோகேஷ் கனகராஜின் ‘விக்ரம்’ திரைப்படம் வெளியான போது ரசிகர்கள் இந்த படம் லோகேஷின் LCU படம் என்று ரசிகர்கள் அவரை பாராட்டி நிலையில் அந்த LCU காட்சிகள் ‘தளபதி 67’ படத்தில் தொடருமா என்பதை பொறுத்திருந்து பார்ப்போம்.
இந்த நிலையில் ’கோப்ரா’ படத்தின் ரிலீஸுக்கு பின்னரே தயாரிப்பாளர் லலித், ‘தளபதி 67’ படத்தின் அதிகாரப்பூர்வ அறிவிப்பை வெளியிட இருப்பதாக கூறப்படுகிறது.