தளபதி விஜய் நடிப்பில், நெல்சன் இயக்கத்தில், அனிருத் இசையில், சன் பிக்சர்ஸ் நிறுவனம் தயாரிக்கவுள்ள ’தளபதி 65’ படத்தின் அதிகாரபூர்வ அறிவிப்பு சமீபத்தில் வெளிவந்து சமூக வலைதளங்களை ஸ்தம்பிக்க வைத்தது என்பதை பார்த்தோம்

இந்த நிலையில் இந்த படத்தின் டைட்டில் வரும் புத்தாண்டு தினத்தில் வெளியிட வாய்ப்பு இருப்பதாக கருதப்படுகிறது. புத்தாண்டு தினத்தின் ‘தளபதி 65’ படத்தின் டைட்டில் லுக்கை வெளியிட சன்பிக்சர்ஸ் நிறுவனம் திட்டமிட்டுள்ளதாக கூறப்படுகிறது

அதேபோல் தளபதி விஜய் நடித்து முடித்துள்ள ’மாஸ்டர்’ திரைப்படம் வரும் பொங்கல் தினத்தில் வெளியாக உள்ள நிலையில் இந்த படத்தின் டிரைலரும் புத்தாண்டு தினத்தில் வரும் என்று எதிர்பார்க்கப்படுகிறது. இந்த நிலையில் வரும் புத்தாண்டன்று தளபதி விஜய் ரசிகர்களுக்கு ’தளபதி 65’ டைட்டில் மற்றும் ’மாஸ்டர்’ திரைப்படத்தின் டிரைலர் என இரட்டை விருந்து கிடைக்குமா என்பதை பொறுத்திருந்து பார்ப்போம்