தளபதி விஜய் நடிப்பில் லோகேஷ் கனகராஜ் இயக்கத்தில் உருவாகி வரும் தளபதி விஜயின் 64 வது படமான ’மாஸ்டர்’ திரைப்படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் படப்பிடிப்பு அடுத்த மாதம் நிறைவடையும் என எதிர்பார்க்கப்படுகிறது

இதனை அடுத்து மார்ச் அல்லது ஏப்ரல் மாதம் ’தளபதி 65’ படத்தின் படப்பிடிப்பு தொடங்க வாய்ப்பு இருப்பதாக கோலிவுட் வட்டாரங்கள் கூறுகின்றன. இந்த நிலையில் ’தளபதி 65’ படத்தை சன் பிக்சர்ஸ் நிறுவனம் தயாரிக்க அதிக வாய்ப்பு இருப்பதாக கூறப்படுகிறது. இது குறித்த தகவல்கள் சமூக வலைத்தளத்தில் வெளியாகி இந்திய அளவில் ட்ரெண்டிங்கில் உள்ளது என்பது குறிப்பிடத்தக்கது. இருப்பினும் இந்த தகவல் இன்னும் விஜய் மற்றும் சன் பிக்சர்ஸ் நிறுவனத்தின் சார்பில் உறுதி செய்யப்படவில்லை என்பது குறிப்பிடத்தக்கது

’தளபதி 65’ படத்தை ஏஆர் முருகதாஸ் இயக்க அதிக வாய்ப்பு இருப்பதாகவும், இந்த படம் ’துப்பாக்கி 2’ படமாக இருக்கலாம் என்றும் விஜய் ரசிகர்கள் மத்தியில் செய்திகள் வெளியாகி வருகிறது. ஏற்கனவே சன் பிக்சர்ஸ் தயாரிப்பில் ஏஆர் முருகதாஸ் இயக்கத்தில் விஜய் நடிப்பில் ’சர்க்கார்’ திரைப்படம் கடந்த ஆண்டு வெளியாகி மிகப்பெரிய வெற்றி பெற்றது என்பது தெரிந்ததே. மீண்டும் இதே கூட்டணி இணையுமா? என்பதை பொறுத்திருந்து பார்ப்போம்