'தளபதி 64' படத்தின் அடுத்தகட்ட படப்பிடிப்பு எங்கே? புதிய தகவல்
- IndiaGlitz, [Wednesday,November 27 2019]
தளபதி விஜய் நடித்து வரும் ’தளபதி 64’ படத்தின் படப்பிடிப்பு கடந்த சில வாரங்களாக டெல்லியில் நடைபெற்று வருவது தெரிந்ததே. இந்த படத்தில் விஜய் கல்லூரி பேராசிரியராக நடித்து வருவதாக கூறப்படும் நிலையில், கல்லூரி காட்சிகள் மற்றும் பாடல் காட்சிகள் டெல்லியில் படப்பிடிப்பில் படமாக்கப்பட உள்ளதாக தெரிகிறது.
இந்த நிலையில் இன்னும் ஓரிரு நாட்களில் டெல்லி படப்பிடிப்பை முடித்து விட்டு சென்னை திரும்பும் ’தளபதி 64’ படப்பிடிப்பு குழுவினர், அடுத்தகட்டமாக கர்நாடகா செல்லவிருப்பதாகவும், அங்கு அடுத்தகட்ட படப்பிடிப்பு நடைபெறும் என்றும் கூறப்படுகிறது.
கர்நாடக மாநிலத்தில் உள்ள ஒரு முக்கிய சிறைச்சாலையில் 'தளபதி 64' படத்திற்கான லொக்கேஷன் முடிவு செய்யப்பட்டுவிட்டதாகவும் டிசம்பர் முதல் வாரத்தில் அங்கு படப்பிடிப்பு நடைபெறும் என்றும் இந்த படப்பிடிப்பில் விஜய், விஜய்சேதுபதி, அந்தோணி வர்கீஸ் உள்பட படக்குழுவினர் அனைவரும் கலந்து கொள்ள இருப்பதாகவும் செய்திகள் வெளிவந்துள்ளது.
விஜய், மாளவிகா, விஜய்சேதுபதி, அந்தோனி வர்கீஸ், சாந்தனு, சஞ்சீவ், ரம்யா உள்பட பலர் நடித்து வரும் இந்த படத்திற்கு அனிருத் இசையமைத்து வருகிறார். லோகேஷ் கனகராஜ் இயக்கத்தில் உருவாகி வரும் இந்த படத்தை சேவியர் பிரிட்டோ தயாரித்து வருகிறார். இந்த படம் வரும் ஏப்ரலில் வெளியாகும் என எதிர்பார்க்கப்படுகிறது.