தளபதி விஜய் நடித்து வரும் ’தளபதி 64’ படம் குறித்த தகவல்கள் ஒவ்வொரு நாளும் வெளிவந்து கொண்டிருக்கும் நிலையில், இன்றைய தகவலாக இந்த படத்தின் தயாரிப்பு நிறுவனம் ஒரு அறிவிப்பை அதிகாரபூர்வமாக அறிவித்துள்ளது

இன்று இரவு 7 மணிக்கு இந்த படத்தின் முக்கிய அறிவிப்பு ஒன்று வெளிவர இருப்பதாக தயாரிப்பு நிறுவனம் தெரிவித்துள்ளது. இதனை அடுத்து சமூக வலைதளங்களை தெறிக்க வைக்க விஜய் ரசிகர்கள் தயாராகி உள்ளனர் 

‘தளபதி 64’ படத்தின் முதல்கட்ட படப்பிடிப்பு சென்னையிலும் இரண்டாம் கட்ட படப்பிடிப்பு டெல்லியிலும் நடந்து முடிந்துள்ள நிலையில், அடுத்த கட்ட படப்பிடிப்புக்காக படக்குழுவினர் தயாராகி வருகின்றனர். மூன்றாம் கட்ட படப்பிடிப்பு கர்நாடகா மாநிலத்தில் உள்ள பழமையான சிறை ஒன்ரில் நடைபெற இருப்பதாகவும் அதற்கான அனுமதியையும் படக்குழுவினர் பெற்று விட்டதாகவும் ஏற்கனவே தகவல்கள் வெளிவந்துள்ளது

கர்நாடக மாநிலத்தில் உள்ள சிறையில், விஜய், விஜய்சேதுபதி மோதும் அதிரடி ஆக்ஷன் காட்சிகள் மற்றும் அந்தோணி வர்கீஸ் கலந்து கொள்ளும் முக்கிய காட்சிகள் ஆகியவை படமாக்கப்பட இருக்கிறது 

இந்த நிலையில் வரும் ஜனவரி மாதம் ஒன்றாம் தேதி இந்த படத்தின் டைட்டிலுடன் கூடிய ஃபர்ஸ்ட்லுக் வெளிவரும் என்று எதிர்பார்க்கப்படும் நிலையில் இன்று இரவு 7 மணிக்கு வரும் அறிவிப்பு டைட்டில் குறித்து அறிவிப்பாக இருக்கும் என்று கூறப்படுகிறது. இருப்பினும் இரவு 7 மணி வரை பொறுத்திருந்து பார்ப்போம்