தளபதி விஜய் நடிப்பில் இயக்குனர் லோகேஷ் கனகராஜ் இயக்கிவரும் ’தளபதி 64’ படத்தின் முதல்கட்ட படப்பிடிப்பு சமீபத்தில் சென்னையில் முடிவடைந்த நிலையில் கடந்த சில நாட்களாக டெல்லியில் இரண்டாம் கட்ட படப்பிடிப்பு நடைபெற்று வ்நதது.

டெல்லியில் உள்ள ஒரு கல்லூரியில் இந்த படத்தின் படப்பிடிப்புகள் நடைபெற்று வந்த நிலையில், தற்போது டெல்லி படப்பிடிப்பு முடிவுக்கு வந்துவிட்டதாக இயக்குனர் லோகேஷ் கனகராஜ் சமூக தனது சமூக வலைத்தளத்தில் தெரிவித்துள்ளார். இது குறித்து அவர் வெளியிட்டுள்ள புகைப்படம் ஒன்றில் நடிகர் சாந்தனுவும் உள்ளார் என்பது குறிப்பிடத்தக்கது. ‘தளபதி 64’ படத்தின் டெல்லி படப்பிடிப்பை முடித்துவிட்டு தற்போது சென்னை திரும்பிக் கொண்டு இருப்பதாகவும் லோகேஷ் கனகராஜ் தெரிவித்துள்ளார்

இதனை அடுத்து ஓரிரு நாட்கள் மட்டுமே ஓய்வு எடுக்கும் படக்குழுவினர் அடுத்தகட்ட படப்பிடிப்பிற்காக கர்நாடக மாநிலத்திற்கு செல்ல உள்ளனர் என்பதும் கர்நாடக மாநிலத்திலுள்ள ஒரு பழமையான சிறைச்சாலையில் இந்த படத்தின் படப்பிடிப்பிற்காக ஏற்கனவே அனுமதி பெற்றுள்ளதாகவும் எனவே அடுத்த கட்ட படப்பிடிப்பு கர்நாடகா சிறையில் நடைபெற இருப்பதாகவும் தகவல்கள் வெளிவந்துள்ளன

விஜய், மாளவிகா மேனன், விஜய்சேதுபதி, ஆண்ட்ரியா, சாந்தனு, ஆண்டனி வர்கீஸ், சஞ்சீவ், ஸ்ரீமான், ரம்யா, கெளரி கிஷான் உள்பட பலர் நடித்து வரும் இந்த படத்திற்கு அனிருத் இசையமைத்து வருகிறார். சத்யன் சூரியன் ஒளிப்பதிவில், பிலோமினா ராஜ் படத்தொகுப்பில் உருவாகி வரும் இந்த படத்தை விஜய்யின் உறவினர் சேவியர் பிரிட்டோ தயாரித்து வருகிறார். இந்த படம் வரும் ஏப்ரல் மாதம் வெளியாகவுள்ளது
 

#Thalapathy64 Second Schedule #Delhi finish.! Back to Chennai.!?? pic.twitter.com/FgiEpj4cxc

— Lokesh Kanagaraj (@Dir__Lokesh) November 28, 2019