தளபதி விஜய் நடிப்பில் இயக்குனர் அட்லி இயக்கி வரும் 'தளபதி 63' படத்தின் படப்பிடிப்பு விறுவிறுப்புடன் நடைபெற்று வரும் நிலையில் இந்த படத்தின் இரண்டு பாடல்களின் பணிகள் முற்றிலும் முடிந்துவிட்டது என்றும், இந்த பாடல்களை பார்த்த முதல் நபர் என்ற பெருமை தனக்கு உண்டு என்றும் சமீபத்தில் இசைப்புயல் ஏ.ஆர்.ரஹ்மான் பதிவு செய்திருந்த டுவீட்டை பார்த்தோம்.

இந்த நிலையில் தற்போது மூன்றாம் பாடலின் பணியும் தொடங்கிவிட்டதாக நம்பத்தகுந்த வட்டாரத்தில் இருந்து செய்தி வெளிவந்துள்ளது. ஏ.ஆர்.ரஹ்மான் கம்போஸ் செய்த இந்த பாடலுக்கு பாடலாசிரியர் விவேக் பாடல் வரிகளை எழுத தொடங்கியுள்ளார்.

இந்த தரமான அப்டேட்டால் விஜய் ரசிகர்கள் உற்சாகத்தில் இருக்கும் உள்ளனர். மேலும் ஜூன் 22ஆம் தேதி தளபதியின் பிறந்த நாள் வரவிருப்பதால் அதற்கு முன்னர் இந்த படம் குறித்த மிகப்பெரிய அப்டேட் வெளிவரும் என எதிர்பார்க்கப்படுகிறது.

விஜய், நயன்தாரா, ஜாக்கி ஷெராஃப், யோகிபாபு, கதிர், விவேக், டேனியல் பாலாஜி, ஆனந்த்ராஜ், இந்துஜா உள்ளிட்ட பலர் நடித்து வரும் இந்த படம் விஷ்ணு ஒளிப்பதிவில் ரூபன் படத்தொகுப்பில் வளர்ந்து வருகிறது. தீபாவளி அன்று வெளிவரும் என எதிர்பார்க்கப்படும் இந்த படத்தை பெரும் பொருட்செலவில் ஏஜிஎஸ் நிறுவனம் தயாரித்து வருகிறது.