'தளபதி 63' படத்தில் ஷாருக்கான் நடிப்பது உண்மையா? படக்குழுவினர் விளக்கம்
- IndiaGlitz, [Thursday,March 28 2019]
விஜய் நடிப்பில் அட்லி இயக்கத்தில் உருவாகி இவரும் 'தளபதி 63' படத்தில் பாலிவுட் சூப்பர் ஸ்டார் ஷாருக்கான் கெள்ரவ சிறப்பு தோற்றத்தில் நடிக்கவுள்ளதாக நேற்று வெளியான செய்திக்கு படக்குழு இன்று மறுப்பு தெரிவித்துள்ளது.
'தளபதி 63; படத்தில் ஷாருக்கான் போலீஸ் கேரக்டரில் நடிக்கவுள்ளதாகவும், இவர் நடிப்பதால் இந்த படம் அகில இந்திய அளவில் கவனத்தை பெற்றுள்ளதாகவும் கூறப்பட்டது. ஆனால் இந்த செய்தியில் உண்மையில்லை. அப்படியொரு எண்ணமும் தங்களுக்கு இல்லை' என்று படக்குழுவினர் தெரிவித்தனர். இதனையடுத்து தளபதி 63' படத்தில் ஷாருக்கான் நடிப்பதாக பரவிய வதந்திக்கு முற்றுப்புள்ளி வைக்கப்பட்டுள்ளது.
விஜய், நயன்தாரா, ஜாக்கி ஷெராஃப், யோகிபாபு, கதிர் உள்ளிட்டபலர் நடித்து வரும் 'தளபதி 63' படத்திற்கு ஏ.ஆர்.ரஹ்மான் இசையமைத்து வருகிறார். வரும் தீபாவளி அன்று வெளியாகவுள்ள இப்படத்தை பெரும் பொருட்செலவில் ஏஜிஎஸ் நிறுவனம் தயாரித்து வருகிறது.