தளபதி விஜய் நடித்து வரும் 'தளபதி 63' படம் குறித்து தினமும் ஒரு செய்தி வெளிவந்து கொண்டிருக்கும் நிலையில் இன்றைய செய்தியாக விஜய்யின் கேரக்டர் பெயர் குறித்த தகவல் கசிந்துள்ளது.

இந்த படத்தில் விஜய்யின் கேரக்டர் பெயர் 'மைக்கேல்' என்றும், இந்த படத்தின் டைட்டில் 'கேப்டன் மைக்கேல்' என்றும் இதனால் விஜய் கேரக்டரின் பெயர் மைக்கேல் என்றும் ஏற்கனவே உறுதி செய்யப்படாத தகவல்கள் வெளிவந்தன. அந்த வகையில் தற்போது அப்பா, மகன் என இரண்டு கேரக்டர்களில் நடித்து வரும் விஜய்யின் மகன் கேரக்டர் பெயர் 'பிகில்' என்று கூறப்படுகிறது. மேலும் 'மைக்கேல்' என்பது விஜய்யின் நண்பராக நடித்து வரும் கதிர் கேரக்டர் என்றும் கூறப்படுகிறது.

இந்த படத்திற்காக ஏ.ஆர்.ரஹ்மான் கம்போஸ் செய்த இரண்டு பாடல்களின் பணிகள் முற்றிலும் முடிந்துவிட்ட நிலையில் தற்போது மூன்றாவது பாடலின் பணிகள் நடந்து வருவதாகவும், விஜய்யின் பிறந்த நாள் அன்று இந்த படத்தின் ஃபர்ஸ்ட்லுக் போஸ்டர் வெளியாக வாய்ப்பு இருப்பதாகவும் கூறப்படுகிறது.