தளபதி விஜய் நடித்த 'மெர்சல்' சூப்பர் ஹிட் ஆகிய நிலையில் விஜய்யின் அடுத்த படமான 'தளபதி 62' படத்தின் ஆரம்பகட்ட பணிகள் விறுவிறுப்பாக நடைபெற்று வருகிறது. இந்த படத்திற்கான திரைக்கதை அமைக்கும் பணி இறுதிக்கட்டத்தில் உள்ள நிலையில் இந்த படத்தின் படப்பிடிப்பு வரும் ஜனவரியில் தொடங்கவுள்ளதாக செய்திகள் வெளிவந்துள்ளது.

இந்த நிலையில் 'தளபதி 62' படத்தின் தொழில்நுட்ப கலைஞர்களின் அறிவிப்பு ஏற்கனவே வெளிவந்துவிட்டது என்பது தெரிந்ததே. சன் பிக்சர்ஸ் நிறுவனம் தயாரிக்கும் இந்த படத்திற்கு ஸ்ரீகர் பிரசாத் படத்தொகுப்பும், கிரிஷ் கங்காதரன் ஒளிப்பதிவும் செய்யவுள்ளனர். ஏ.ஆர்.ரஹ்மான் இந்த படத்திற்கு இசையமைப்பார் என தெரிகிறது.

இந்த நிலையில் இந்த படத்தில் விஜய்க்கு ஜோடியாக நடிக்கும் நடிகை உள்பட அனைத்து நட்சத்திரங்கள் குறித்த அறிவிப்பு வரும் புத்தாண்டுக்கு முன்பே அறிவிக்க படக்குழுவினர் திட்டமிட்டுள்ளதாக நம்பத்தகுந்த வட்டாரங்களில் இருந்து செய்திகள் வெளிவந்துள்ளது. இன்னும் புத்தாண்டு பிறக்க ஐந்து நாட்களே உள்ள நிலையில் தளபதி விஜய் ரசிகர்களுக்கு சரியான விருந்து காத்திருக்கின்றது என்பது மட்டும் நிச்சயம் தெரிகிறது.