மலேசியன் பிரதமருடன் ரஜினி சந்திப்பு
- IndiaGlitz, [Friday,January 05 2018]
சூப்பர் ஸ்டார் ரஜினிகாந்த் மலேசியாவில் நாளை நடைபெறும் தென்னிந்திய நடிகர் சங்கத்தின் நட்சத்திர விழாவில் கலந்து கொள்ள மலேசியா சென்றுள்ளார். அவருக்கு மலேசியாவில் சிறப்பான வரவேற்பு அளிக்கப்பட்டது.
இந்த நிலையில் சற்றுமுன்னர் மலேசிய பிரதமர் நஜிப் ரசாக் அவர்களை ரஜினிகாந்த் சந்தித்தார். இந்த சந்திப்பு குறித்த தகவலை சமீபத்தில் லைகா நிறுவனத்தில் இருந்து விலகிய ராஜூ மகாலிங்கம் தனது சமூக வலைத்தளத்தில் பதிவு செய்துள்ளார்.
இதற்கு முன்னர் 'கபாலி' படப்பிடிப்பிற்காக ரஜினி மலேசியா சென்றிருந்தபோதும் அந்நாட்டு பிரதமரை சந்தித்தார் என்பதும், கடந்த ஆண்டு மார்ச் மாதம் மலேசிய பிரதமர் ஐந்து நாள் பயணமாக இந்தியாவுக்கு வருகை தந்திருந்தபோது சென்னை போயஸ் தோட்டத்து இல்லத்தில் ரஜினியை சந்தித்தார் என்பதும் குறிப்பிடத்தக்கது.