'டாக்டர்', 'பீஸ்ட்' பாணியில் தான் 'தலைவர் 169' பட டைட்டில்: கசிந்த ரகசியம்
- IndiaGlitz, [Saturday,March 26 2022]
சூப்பர் ஸ்டார் ரஜினிகாந்த் நடிக்கவிருக்கும் அடுத்த திரைப்படமான ’தலைவர் 169’ பட டைட்டில் ’டாக்டர்’ மற்றும் ‘பீஸ்ட்’ பாணியில்தான் இருக்கும் என்று தகவல் கசிந்துள்ளது.
லேடி சூப்பர் ஸ்டார் நயன்தாரா நடித்த ‘கோலமாவு கோகிலா’ என்ற திரைப்படத்தின் மூலம் இயக்குனராக அறிமுகமான நெல்சன் சமீபத்தில் வெளியான ’டாக்டர்’ என்ற வெற்றிப் படத்தை இயக்கினார் என்பதும் தற்போது அவர் இயக்கி முடித்துள்ள தளபதி விஜய்யின் ‘பீஸ்ட்’ வரும் ஏப்ரல் 13ஆம் தேதி வெளியாக உள்ளது என்பதும் தெரிந்ததே.
இந்த நிலையில் சூப்பர் ஸ்டார் ரஜினிகாந்த் நடிக்கும் அடுத்த திரைப்படமான ’தலைவர் 169’ படத்தை நெல்சன் இயக்க உள்ளார் என்பதும் இந்த படத்தை சன் பிக்சர்ஸ் நிறுவனம் தயாரிக்க உள்ளது என்பதும் அனிருத் இசையமைக்க உள்ளார் என்பதும் குறிப்பிடத்தக்கது.
இந்த நிலையில் டாக்டர் மற்றும் ‘பீஸ்ட்’ படங்களின் பாணியில் ஒரே ஒரு ஆங்கில வார்த்தையில் தான் ’தலைவர் 169’ படத்தின் டைட்டிலும் இருக்கும் என்று தகவல் கசிந்துள்ளது. அந்த டைட்டில் என்னவாக இருக்கும் என்பதை யூகித்து கமெண்ட்ஸ் பகுதியில் பதிவு செய்யுங்கள்.