త‌లైవా ర‌జ‌నీకాంత్ డ‌బ్బింగ్ మొద‌లుపెట్టేశారు. ఆయ‌న న‌టిస్తున్న తాజా చిత్రం 2.0. శంక‌ర్ ద‌ర్శ‌క‌త్వంలో రూపొందిన `రోబో` చిత్రానికి కొన‌సాగింపుగా తెర‌కెక్కుతున్న చిత్రం `2.0`. లైకా ప్రొడ‌క్ష‌న్స్ నిర్మిస్తోంది. శుభాష్ క‌ర‌ణ్ స‌మ‌ర్పిస్తున్నారు. రాజ మ‌హాలింగం ఈ చిత్రానికి క్రియేటివ్ హెడ్‌గా వ్య‌వ‌హ‌రిస్తున్నారు. రూ.400 కోట్ల బ‌డ్జెట్‌తో క‌నీవినీ ఎరుగ‌ని రీతిలో ఈ చిత్రాన్ని తెర‌కెక్కిస్తున్నారు.

బాలీవుడ్ మాచో అక్ష‌య్‌కుమార్ ఇందులో విల‌న్‌గా న‌టిస్తున్నారు. ఎమీ జాక్స‌న్ నాయిక‌. ఈ సినిమా షూటింగ్ దాదాపుగా పూర్తి కావ‌చ్చింది. మ‌రోవైపు ఎడిటింగ్, డ‌బ్బింగ్ ప‌నుల‌ను మొద‌లుపెట్టారు. ర‌జ‌నీకాంత్‌కు సంబంధించిన పార్టు డ‌బ్బింగ్ ప‌నులు ప్రారంభ‌మ‌య్యాయి. ఆస్కార్ విజేత ర‌సూల్ పూకుట్టి నేతృత్వంలో ర‌జ‌నీకాంత్ చాలా ఉత్సాహ‌వంతంగా డ‌బ్బింగ్ చెబుతున్నార‌ని తెలిసింది. మ‌రోవైపు మిగిలిన స‌న్నివేశాల‌ను చిత్రీక‌రించ‌డంలో శంక‌ర్ బిజీగా ఉన్నారు.