'வீரம்' சிவா இயக்கத்தில் அஜீத் நடித்த 'வேதாளம்' திரைப்படத்தின் டிரைலர் இன்று அதிகாலை 12 மணிக்கு வெளியாகும் என அஜீத் ரசிகர்கள் உள்பட அனைத்து தரப்பினர்களும் எதிர்பார்த்திருந்த நிலையில் டிரைலருக்கு பதிலாக டீசர் மட்டுமே வெளியாகியுள்ளது. டிரைலர் மற்றொரு தேதியில் வெளியாகும் என கூறப்படுகிறது.

வேதாளம்' படத்தில் இடம்பெற்றிருந்த 'வீர விநாயகா' என்ற பாடலின் 20 வினாடி டீசர் இன்று அதிகாலை இணையதளத்தின் மூலம் வெளியாகியுள்ளது. டிரைலர் வெளிவராத ஏமாற்றம் இருந்தபோதிலும், வழக்கம்போல் இந்த டீசரும் அஜீத் ரசிகர்களால் பெரும் வரவேற்பை பெற்றுள்ளது.

இந்நிலையில் 'வேதாளம்' திரைப்படம் இன்று அல்லது நாளை சென்சார் செய்யப்படும் என்று கூறப்படுகிறது. இந்த படம் வரும் தீபாவளி தினமான நவம்பர் 10ஆம் தேதி ரிலீஸ் ஆவது உறுதியாகியுள்ளதால் புரமோஷன் பணிகளை படக்குழுவினர் விறுவிறுப்பாக செய்து வருகின்றனர்.