சூப்பர் ஸ்டார் ரஜினிகாந்த் இந்த மாத இறுதியில் அல்லது அடுத்த மாதம் தனது அரசியல் கட்சியின் பெயரை அறிவித்துவிட்டு அதிகாரபூர்வமாக அரசியல் களத்தில் குதிப்பார் என்று எதிர்பார்க்கப்படுகிறது. ரஜினி ரசிகர் மன்ற நிர்வாகிகள் அரசியல் கட்சிக்கான ஆரம்பகட்ட பணியில் விறுவிறுப்பாக உள்ளனர்.

இந்த நிலையில் ரஜினியை பல்வேறு அரசியல் கட்சி பிரமுகர்களும், தேசிய தலைவர்களும் சந்தித்து வருவதாக செய்திகள் வெளியாகி வருகின்றன. அவர் அறிவித்த ஆன்மீக அரசியலுக்கு நாளுக்கு நாள் எதிர்ப்பும் ஆதரவும் பெருகி வருகிறது.

இந்த நிலையில் சென்னை போயஸ் கார்டனில் ரஜினிகாந்தை இன்றிரவு தல தோனி சந்திக்கவிருப்பதாக தகவல்கள் வெளியாகியுள்ளது. இதுவொரு மரியாதை நிமித்த சந்திப்பாக இருக்கும் என்று எதிர்பார்க்கப்படுகிறது.

இந்த நிலையில் சென்னை சூப்பர் கிங்ஸ் அணி இரண்டு வருடங்கள் கழித்து மீண்டும் ஐபிஎல் களத்தில் இறங்கவுள்ளது குறித்து சென்னையில் பேட்டியளித்த தல தோனி, 'சென்னை அணி விளையாடாத இரண்டு ஆண்டுகள் என்னை மேலும் வலுவாக்கி இருக்கிறது. கடந்த இரண்டு ஆண்டுகளில் பல அணிகள் என்னை அணுகின, ஆனால் சென்னை எனது மனதுக்கு நெருக்கமானது./ இரண்டு வருடங்கள் விளையாடாவிட்டாலும் ரசிகர்களின் ஆதரவு அப்படியே உள்ளது. சிஎஸ்கே அணியில் 18 முதல் 20 வீரர்கள் இடம்பெறுவார்கள் என்றும், அஸ்வினை அணியில் சேர்க்க முயற்சிகள் எடுக்கப்படும் என்றும் தல தோனி தெரிவித்தார்