மே தினத்தில் தொழிலாளர்களுக்கு இன்ப அதிர்ச்சி கொடுத்த தல தோனி
- IndiaGlitz, [Thursday,May 03 2018]
சென்னை சூப்பர் கிங்ஸ் அணியின் கேப்டன் தல தோனி, மைதானத்தில் பேட்ஸ்மேனாக ஆக்ரோஷமாகவும், கேப்டனாக கூலாகவும் செயல்படுவதால் தான் அவருக்கு வெற்றி மேல் வெற்றி கிடைத்து வருகிறது.
இந்த நிலையில் ஒரு விளையாட்டு வீரர் என்பதை தாண்டி அவர் ஒரு மனிதநேயமுள்ள மனிதர் என்பதற்கு பல நிகழ்வுகள் உதாரணமாக உள்ளன. அந்த வகையில் சமீபத்தில் நடந்த மே தின விழாவும் அதில் ஒன்றாக பார்க்கப்படுகிறது.
இன்று கொல்கத்தா அணியுடன் சென்னை சூப்பர் கிங்ஸ் அணிகள் மோதவுள்ள நிலையில் கடந்த 1ஆம் தேதி கொல்கத்தா மைதானத்தை தல தோனி பார்வையிட சென்றார். அப்போது அங்கு மைதானத்தை சீரமைக்கும் தொழிலாளர்கள் பணிபுரிந்து கொண்டிருந்தனர். அவர்களுடன் சகஜமாக உரையாடிய தோனி, அவர்களுடன் புகைப்படம் எடுத்து உண்மையான தொழிலாளர் தினத்தை கொண்டாடியுள்ளார். தூரத்தில் இருந்து மட்டுமே தோனியை பார்த்த அந்த தொழிலாளர்கள் தோனியின் அருகில் நின்று புகைப்படம் எடுத்ததை இன்னும் நம்பாமல் ஆச்சரியத்தில் உள்ளனர். இந்த தகவல் சிஎஸ்கே அணியின் சமூக வலைத்தள பக்கத்தில் பதிவு செய்யப்பட்டுள்ளது.