கடந்த சில நாட்களாக 'தல 57' படத்தின் படப்பிடிப்புக்காக பல்கேரியா சென்றிருந்த அஜித், கிறிஸ்துமஸ் கொண்டாட்டத்திற்காக சென்னை திரும்பியுள்ளார். அவருடன் இயக்குனர் சிவா உள்பட படக்குழுவினர் அனைவரும் சென்னை திரும்பியுள்ளதாக செய்திகள் கூறுகின்றன. நாளை மறுநாள் மனைவி மற்றும் குழந்தைகளுடன் தல அஜித் கிறிஸ்துமஸ் கொண்டாட உள்ளார்.

அஜித் சென்னை திரும்பியுள்ளதை சமூக வலைத்தளங்களில் வெளிவந்துள்ள புகைப்படம் மற்றும் வீடியோ உறுதி செய்துள்ளன. அஜித்தும் சிவாவும், விமானத்தில் உள்ளது போன்ற ஒரு புகைப்படமும், சென்னை விமான நிலையத்தில் இருந்து அஜித் வெளியேறும் ஒரு வீடியோவும் சமூக வலைத்தளங்களில் வைரலாகி வருகின்றன.

இண்டர்போல் அதிகாரியாக அஜித் நடித்துள்ள 'அஜித் 57' படத்தில் அவருடைய மனைவியாக காஜல் அகர்வால் நடித்துள்ளார். மேலும் வில்லனாக விவேக் ஓபராய் மற்றும் ஒரு முக்கிய கேரக்டரில் அக்சராஹாசன் ஆகியோர் நடித்துள்ளனர். அனிருத் இசையமைத்திருக்கும் இந்த படத்தை சத்யஜோதி பிலிம்ஸ் நிறுவனத்தினர் பெரும் பொருட்செலவில் பிரமாண்டமாக தயாரித்து வருகின்றனர்.

இந்த படத்தின் படப்பிடிப்பு 80% முடிந்துவிட்டதாகவும், அடுத்தகட்ட படப்பிடிப்பு விரைவில் சென்னை மற்றும் ஐதராபாத்தில் நடைபெறவுள்ளதாகவும், வரும் பிப்ரவரிக்குள் மொத்த படப்பிடிப்பும் முடிந்துவிடும் என்றும் கூறப்படுகிறது. வரும் தமிழ்ப்புத்தாண்டு தினத்தில் இந்த படம் வெளியாகும் என்று எதிர்பார்க்கப்படுகிறது.