அஜித்தின் 'ஆலுமா டோலுமா' வின் அடுத்த சாதனை
- IndiaGlitz, [Tuesday,January 31 2017]
அஜித் நடித்த 'வேதாளம்' திரைப்படத்தில் அனிருத் இசையமைத்து பாடிய 'ஆலுமா டோலுமா' என்ற பாடல் தமிழகத்தில் மட்டுமின்றி உலகம் முழுவதும் மிகப்பெரிய ஹிட்டை பெற்றது. 'கொலைவெறி' பாடலுக்கு பின் இந்த பாடல் அனிருத்துக்கு ஒரு புதிய பரிணாமத்தை ஏற்படுத்தியது.
இந்நிலையில் 'ஆலுமா டோலுமா' ஏற்கனவே பல சாதனைகள் புரிந்துள்ள நிலையில் தற்போது மேலும் ஒரு சாதனையாக இந்த பாடலுக்கு யூடியூபில் 15 மில்லியன் பார்வையாளர்களை பெற்றுள்ளது. மேலும் 50000க்கும் மேற்பட்ட லைக்குகளை இந்த பாடல் பெற்று சாதனை செய்துள்ளது. இந்த சாதனையை அஜித் ரசிகர்கள் சமூக வலைத்தளங்களில் டிரெண்ட் ஏற்படுத்தி கொண்டாடி வருகின்றனர்.
அஜித்தின் 24 ஆண்டுகால திரையுலக வாழ்வில் இதுபோன்ற சாதனையை அவர் சந்திப்பது இதுவே முதல்முறை என்பது குறிப்பிடத்தக்கது.