தல அஜித் நடித்த 'விவேகம்' திரைப்படத்திற்கு ரிலீஸ் தேதியில் இருந்தே நாலாபக்கத்திலும் இருந்து நெகட்டிவ் ரிசல்ட்டுக்கள் குவிந்தன. ஆனால் இரண்டாவது வாரத்தை கடந்து மூன்றாவது வாரத்திலும் இந்த ப்டம் வசூலை பெற்று வருவதை கண்டு நெகட்டிவ் ரிசல்ட்டை கொடுத்தவர்களே தற்போது வசூல் சாதனையை பதிவு செய்து வருகின்றனர்.

இந்த நிலையில் 'விவேகம்' திரைப்படம் வெளியான 15 தினங்களில் தமிழகத்தில் மட்டும் ரூ.66 கோடியை வசூல் செய்துள்ளது. இதன்மூலம் இந்த ஆண்டில் 'பாகுபலி 2' படத்தை அடுத்து அதிகபட்சமாக வசூல் செய்த இரண்டாவது படம் என்ற பெருமையை 'விவேகம்' பெற்றுள்ளது.

இந்த படம் சென்னையில் ரூ.9.47 கோடியும், நெல்லை-குமரி பகுதியில் ரூ.2.75 கோடியும், சேலத்தில் ரூ.6.1 கோடியும், கோவையில் சுமார் ரூ.11 கோடியும்,  வசூல் செய்துள்ளது. மேலும் இன்னும் இந்த படம் ஓடிக்கொண்டிருக்கும் திரையரங்குகளில் சராசரியாக 70% பார்வையாளர்கள் வந்து கொண்டிருப்பதால் அடுத்த வாரமும் இந்த படம் பெரும்பாலான திரையரங்குகளில் திரையிடப்படும் என தெரிகிறது.