தல அஜித் நடித்த 'விவேகம்' படத்தின் டீசர் அவருடைய பிறந்த நாளான மே 1ஆம் தேதி வெளிவரவுள்ளது என்பது உறுதியாகிவிட்டதை நேற்று பார்த்தோம். இந்த நிலையில் இந்த டீசரின் ரன்னிங் டைம் மற்றும் பிற தகவல்கள் வெளிவந்துள்ளது.

'விவேகம்' படத்தின் டீசர் மொத்தம் 56 வினாடிகள் என்றும், அதில் 30 வினாடிகள் தீம் மியூசிக், 16 வினாடிகள் பிஜிஎம் மற்றும் வசனங்கள் அதனையடுத்து டைட்டில் கார்டு 10 வினாடிகள் என்று தகவல்கள் கிடைத்துள்ளது. கிட்டத்தட்ட ஒரு நிமிடம் கொண்ட இந்த டீசர் மே 1ஆம் தேதி உலகம் முழுவதும் தெறிக்க வைக்கும் என்று எதிர்பார்க்கப்படுகிறது.

சத்யஜோதி பிலிம்ஸ் நிறுவனம் பிரமாண்டமாக பொருட்செலவில் தயாரித்து வரும் இந்த படத்தில் அஜித், காஜல் அகர்வால், அக்சராஹாசன், விவேக் ஓபராய் உள்பட பலர் நடித்து வருகின்றனர். சிறுத்தை சிவா இயக்கத்தில் அனிருத் இசையில் இந்த படம் வளர்ந்து வருகிறது.