தல அஜித் நடித்த 'விஸ்வாசம்' படத்தின் ஃபர்ஸ்ட்லுக் இன்று அதிகாலை 3.40 மணிக்கு வெளியாகவுள்ளது என்பதை ஏற்கனவே பார்த்தோம். அதேபோல் வெளியான இந்த படத்தின் ஃபர்ஸ்ட்லுக் மரண மாஸ் ஆகவுள்ளது.

இந்த படத்தில் தந்தை-மகன் என இரண்டு வேடங்களில் அஜித் நடித்து வருவதாக ஏற்கனவே கூறப்பட்ட நிலையில் அதை உறுதி செய்யும் வகையில் இரண்டு வித வித்தியாசமான லுக்குடன் இந்த ஃபர்ஸ்ட்லுக் உள்ளது. மேலும் இந்த படம் பொங்கல் ரிலீஸ் என்பதையும் படக்குழுவினர் இந்த ஃபர்ஸ்ட்லுக்கில் உறுதி செய்துள்ளனர்.

கலர்புல் பின்னணி, ஒருபக்கம் நகரத்து காட்சிகளும் இன்னொரு பக்கம் கிராமத்து திருவிழா காட்சிகளும் இருப்பதால் இந்த படம் நகரம் மற்றும் கிராமம் இரண்டிலும் கூறப்படும் கதையாக இருக்கும் என்பது தெரிகிறது. மொத்தத்தில் இந்த ஃபர்ஸ்ட்லுக்கை பார்க்கும்போது அஜித் ரசிகர்களுக்கு ஒரு செம் விருந்து காத்திருக்கின்றது என்பது உறுதியாகின்றது.