'குட்டித்தல'க்கு கிடைத்த மிகப்பெரிய பெருமை
- IndiaGlitz, [Monday,January 25 2016]
சினிமா நடிகர்கள் மற்றும் நடிகைகளின் ரசிகர்களாக இருப்பவர்கள் இதுவரை தங்களுக்கு பிடித்தமான நடிகர், நடிகைகளின் உருவத்தை மட்டுமே டாட்டூ என கூறப்படும் பச்சை குத்தி கொண்டிருந்த நிலையில் முதல்முதலாக ஒரு நடிகரின் மகன் உருவத்தை பச்சை குத்தி கொண்டுள்ளதாக செய்தி வெளிவந்துள்ளது. அந்த பெருமைக்குரிய நடிகரின் மகன் நமது 'தல அஜித்' மகன் ஆத்விக் என்பது குறிப்பிடத்தக்கது.
'குட்டித்தல' என்று அன்புடன் அழைக்கப்படும் அஜித் மகன் ஆத்விக் கடந்த ஆண்டு மார்ச் மாதம் 2ஆம் தேதி பிறந்தார். ஆத்விக் பிறந்து கிட்டத்தட்ட ஒரு வருடம் ஆகவுள்ள நிலையில் அவருடைய புகைப்படம் இதுவரை வெளிவராமல் இருந்தது.
இந்நிலையில் சமீபத்தில் அஜித் தன்னுடைய மனைவி, மகன், மகளுடன் பாஸ்போர்ட் அலுவலகம் வந்திருந்தபோதுதான் ஆத்விக் புகைப்படம் வெளியுலகிற்கு தெரியவந்தது. இந்த புகைப்படங்கள் இணையத்தில் வைரலாகி வரும் நிலையில் தற்போது ஆத்விக்கின் உருவத்தை அஜித் ரசிகர்கள் பலர் பச்சை குத்தி வருகின்றனர். ஒரு நடிகரின் ஒரு வயது மகனுக்கு இந்த அளவுக்கு பெருமை கிடைப்பது இதுவே முதல் முறை என்று கூறப்படுகிறது.