தல அஜித்தின் வேற லெவல் வீடியோ: இணையதளத்தில் வைரல்!
- IndiaGlitz, [Thursday,August 12 2021]
தல அஜித்தின் வேற லெவல் வீடியோ ஒன்று இணையதளத்தில் வைரலாகி வருவது பெரும் பரபரப்பை ஏற்படுத்தி உள்ளது
தல அஜித் நடித்து முடித்துள்ள ’வலிமை’ திரைப்படத்தின் ரிலீஸ் தேதி விரைவில் அறிவிக்கப்படும் என்று எதிர்பார்க்கப்படுகிறது. மேலும் இந்த படத்தின் புரமோஷன் தற்போது விறுவிறுப்பாக நடைபெற்று வருகிறது என்பது குறிப்பிடத்தக்கது. இந்த நிலையில் அஜித்தின் அடுத்த படத்தின் படப்பிடிப்பு அடுத்த மாதம் தொடங்க உள்ளதாக கூறப்படுகிறது
இந்த நிலையில் அவ்வப்போது அஜித் குறித்த செய்திகள், லேட்டஸ்ட் புகைப்படங்கள், வீடியோக்கள் வெளியாகி இணையதளங்களில் வைரலாகி வரும் நிலையில் சற்று முன் அவர் துப்பாக்கி சுடும் போட்டியில் கலந்து கொள்வதற்காக பயிற்சி செய்யும் வீடியோ வெளியாகியுள்ளது. இந்த வீடியோவில் தல அஜித் குறிபார்த்து சுடும் காட்சிகள் உள்ளதை அடுத்து இந்த வீடியோவை அஜித் ரசிகர்கள் வைரலாக்கி வருகின்றனர்
தல அஜீத் சமீபத்தில் தமிழக அளவில் நடந்த துப்பாக்கி சுடும் போட்டியில் தங்கம், வெள்ளி பதக்கங்களை வாங்கி குவித்தார் என்றும் அவருக்கு திரையுலக பிரபலங்கள் உள்பட அரசியல்வாதிகள் பலரும் பாராட்டு தெரிவித்தனர் என்பது தெரிந்ததே.