தல அஜித்தின் 'விவேகம்' ரன்னிங் டைம்
- IndiaGlitz, [Friday,July 07 2017]
தல அஜித் நடிப்பில் இயக்குனர் சிவா இயக்கத்தில் ஹாலிவுட் படத்திற்கு இணையாக பெரும் பொருட்செலவில் உருவாகியுள்ள 'விவேகம்' படத்தின் படப்பிடிப்பு சமீபத்தில் முடிவடைந்து தற்போது போஸ்ட் புரடொக்ஷன்ஸ் பணிகள் நடைபெற்று வருகிறது.
இந்த படம் குறித்து சில அரிய தகவல்களை இயக்குனர் சிவா பேட்டி ஒன்றில் தெரிவித்தார் என்பதை நேற்று பார்த்தோம். இந்நிலையில் தற்போது இந்த படத்தின் ரன்னிங் டைம் குறித்த தகவல்கள் கிடைத்துள்ளது. இந்த படம் 140 நிமிடங்கள் அதாவது 2 மணி 20 நிமிடங்கள் ஓடுவதாக தகவல்கள் வெளிவந்துள்ளது.
இன்னும் இந்த படம் சென்சாருக்கு செல்லவில்லை என்றாலும் இந்த படத்தின் ரன்னிங் டைமை படக்குழுவினர் முடிவு செய்துவிட்டதாகவும், சென்சாரில் கட் ஏதும் இல்லாமல் இருந்தால் இதுவே இந்த படத்தின் இறுதி ரன்னிங் டைமாக இருக்கும் என்றும் படக்குழுவினர் தெரிவித்துள்ளனர்.
சத்யஜோதி பிலிம்ஸ் நிறுவனத்தின் தயாரிப்பில் உருவாகியுள்ள இந்த படத்தில் அஜித், காஜல் அகர்வால், அக்சராஹாசன், விவேக் ஓபராய் உள்பட பலர் நடித்துள்ளனர். அனிருத் இசையில் உருவாகியுள்ள இந்த படம் வரும் ஆகஸ்ட் 10ஆம் தேதி வெளியாகும் என்று எதிர்பார்க்கப்படுகிறது.