தல அஜித் நடித்த 'விவேகம்' திரைப்படம் நேற்று முன் தினம் உலகம் முழுவதும் வெளியாகியது. இந்த படம் உலக தரத்தில் தயாரிக்கப்பட்டிருந்தாலும் திரைக்கதை சுமாராக இருப்பதாக பல ஊடகங்கள் விமர்சனங்கள் செய்தது. மேலும் ஒருசிலர் இந்த படத்திற்கு நெகட்டிவ் விமர்சனங்களையும் தந்துள்ளனர்.

இந்த நிலையில் நெகட்டிவ் விமர்சனங்களையும் மீறி இந்த படம் முதல் நாள் வசூலைவிட அதிகமாக இரண்டாவது நாள் வசூல் செய்துள்ளது. ஒரு படத்திற்கு நெகட்டிவ் விமர்சனம் வந்தால் இரண்டாவது காட்சியிலேயே வசூல் குறைந்துவிடும் நிலையில் இந்த படத்திற்கு இரண்டாவது நாளில் வசூல் அதிகரித்துள்ளது அனைவரையும் ஆச்சரியப்பட வைத்துள்ளது.

சென்னையில் 'விவேகம்' திரைப்படம் முதல் நாளில் ரூ.1.21 கோடி வசூல் செய்தது என்பதை ஏற்கனவே பார்த்தோம். இந்த நிலையில் நேற்றைய இரண்டாவது நாளில் இந்த படம் ரூ.1.51 கோடி வசூல் செய்துள்ளது. நெகட்டிவ் விமர்சனத்தை மீறி ரூ.30 லட்சம் இரண்டாவது நாளில் அதிகம் வசூல் செய்துள்ளது என்பது குறிப்பிடத்தக்கது.

மேலும் சென்னையில் வியாழன், வெள்ளி, சனி, ஞாயிறு ஆகிய நான்கு நாட்களின் வசூல் ரூ.5 கோடியை தொட்டுவிட வாய்ப்பு இருப்பதாகவும் விநியோகிஸ்தர்கள் தரப்பில் கூறப்படுகிறது.