'வேதாளம்' கன்னட ரீமேக்கில் சூப்பர் ஸ்டார்
- IndiaGlitz, [Friday,January 08 2016]
தல அஜித் நடிப்பில் சிறுத்தை சிவா இயக்கத்தில் கடந்த தீபாவளி தினத்தில் வெளியான 'வேதாளம்' திரைப்படம் சூப்பர்ஹிட் ஆகி ரூ.100 கோடி கிளப்பில் இணைந்தது என்பது அனைவரும் அறிந்ததே. இந்நிலையில் இந்த படத்தை கன்னடம் மற்றும் தெலுங்கு ஆகிய இரு மொழிகளிலும் ரீமேக் செய்ய பேச்சுவார்த்தை நடந்து வருவதாக ஏற்கனவே செய்திகள் வெளிவந்த நிலையில் தற்போது இந்த படத்தின் கன்னட ரீமேக் உறுதியாகியுள்ளது.
தமிழில் 'வேதாளம்' படத்தை தயாரித்த ஏ.எம்.ரத்னம் அவர்களே கன்னடத்திலும் இந்த படத்தை தயாரிக்கவுள்ளார். அஜித் வேடத்தில் கன்னட சூப்பர் ஸ்டார் புனித்ராஜ்குமார் நடிக்கும் இந்த படத்தை கன்னட ரீமேக் ஸ்பெஷலிஸ் நந்தா கிஷோர் இயக்கவுள்ளார்.ஸ்ருதிஹாசன் மற்றும் வில்லன் வேடங்களில் நடிக்க நடிகர், நடிகைகள் தேர்வு செய்யப்பட்டு வருகின்றனர்.
இந்நிலையில் 'வேதாளம்' திரைப்படம் தமிழில் ரிலீஸ் ஆன அதே தேதியில் தெலுங்கிலும் ரிலீஸ் ஆனபோதிலும் இந்த படத்தை தெலுங்கில் ரீமேக் செய்ய பேச்சுவார்த்தை நடந்து வருவதாக கூறப்படுகிறது.