2015ஆம் ஆண்டின் இந்தியாவின் டாப் 100 திரை நட்சத்திரங்கள் குறித்த பட்டியல் ஒன்றை ஃபோர்ப்ஸ் இந்தியா நிறுவனம் இன்று வெளியிட்டுள்ளது.. கடந்த வருடம் வெளியான இந்த பட்டியலில் அஜீத், விஜய் இடம்பெற்றிருந்த நிலையில் இவ்வருட பட்டியலில் இருவரின் பெயர்களும் மிஸ் ஆகியுள்ளது அனைவரையும் ஆச்சரியம் அடைய வைத்துள்ளது.

இந்த பட்டியலில் பாலிவுட் பாட்ஷா ஷாருக்கான் முதலிடத்தில் உள்ளார். ஆஸ்கார் நாயகன் ஏ.ஆர்.ரஹ்மான் 14 வது இடத்தில் உள்ளார். தமிழ் நடிகர்களில் 'தங்க மகன்' தனுஷ் 37வது இடத்தை பெற்று முதலிடத்தில் உள்ளனர்.

கோலிவுட்டின் இரண்டு பெரிய நடிகர்களான ரஜினியும் கமலும் 46 மற்றும் 69வது இடத்தில் உள்ளனர். மேலும் நகைச்சுவை நடிகர் சந்தானம் 52வது இடத்திலும், சூர்யா 71வது இடத்திலும் பாகுபலி' இயக்குனர் எஸ்.எஸ்.ராஜமவுலி 72வது இடத்திலும் ஆர்யா 80வது இடத்திலும் உள்ளனர்.

நடிகைகளில் காஜல் அகர்வால் 58வது இடத்திலும், ஸ்ருதிஹாசன் 61வது இடத்திலும் உள்ளனர் என்பது குறிப்பிடத்தக்கது.