வெங்கட்பிரபுவின் இயக்கத்தில் அஜித்-விஜய் இணையும் 'மங்காத்தா 2' கதை இதுதானா?
- IndiaGlitz, [Tuesday,September 27 2016]
அஜித் நடிப்பில் வெங்கட்பிரபு இயக்கிய 'மங்காத்தா' என்ற வெற்றி திரைப்படத்தின் இரண்டாம் பாகம் உருவாக வேண்டும் என்று ரசிகர்கள் மட்டுமின்றி வெங்கட்பிரபுவின் நீண்ட நாள் கனவும் கூட. இந்நிலையில் 'மங்காத்தா 2' படத்தில் அர்ஜூனுக்கு பதில் அந்த கேரக்டரில் இளையதளபதி விஜய் நடிக்க வேண்டும் என்பதும் அவருடைய இன்னொரு கனவு.
இந்நிலையில் 20 வருடங்களுக்கு பின்னர் அஜித், விஜய் இணையும் மங்காத்தா 2' படத்தின் கதை என்னவென்று பார்ப்போமா?
இந்தியாவின் குறிப்பாக தமிழகத்தில் சுற்றுப்பயணம் செய்யும் வெளிநாட்டினர் திடீர் திடீரென பாலியல் பலாத்காரம் செய்யப்படுவதும், கொலை செய்யப்படுவதுமான பயங்கர சம்பவங்கள் நடந்து வரும் நிலையில், இதற்கு மூலகாரணம் அமெரிக்காவை சேர்ந்த டான் ஒருவர் என்பது தெரிய வருகிறது. ஆனால் அமெரிக்காவில் இருந்து அவர் தப்பிவிடுகிறார். இந்நிலையில் அந்த டானை பிடிக்க திறமை வாய்ந்த அதிகாரி ஒருவர் தேர்வு செய்யப்படுகிறார். ஆனால் அவருடைய முகம் ஆடியன்ஸ்களுக்கு தெரிய போவதில்லை.
இந்நிலையில் ஸ்பானிஷ் நாட்டின் டான் ஆக அஜித் வாழ்ந்து வருகிறார். அவருக்கு ஒரே போக்கு காளையை அடக்குவது. அவருக்கு இருக்கும் ஒரே உதவியாளர் அப்புக்குட்டி. இந்நிலையில் ஜெட்லி நடத்தும் சூதாட்ட கிளப்பில் காத்ரீனா கைப் பணிபுரிகிறார். அவருக்கு அஜித் மீது ஒரு கண். அஜித் அந்த சூதாட்ட கிளப்பை பார்க்கும் போதெல்லாம் தனது பழைய ஞாபகம் வருகிறது. பிரேம்ஜி, வைபவ், மகத், அஸ்வின் ஆகியோர்களுடன் கொட்டம் அடித்த மலரும் நினைவுகளை நினைத்து பார்க்கின்றார்.
இந்நிலையில் இளையதளபதி விஜய் தனது உதவியாளர் மொட்டை ராஜேந்திரனுடன் அந்த சூதாட்ட கிளப்பிற்கு வருகிறார். அவரை நியூஸ் ரிப்போர்ட்டர் அலியா பட் அவருக்கே தெரியாமல் பின் தொடர்கிறார். சூதாட்ட கிளப்பில் அஜித் மிகப்பெரிய கொள்ளை நடத்த திட்டமிட்டிருந்தார். ஆனால் விஜய் வருகையால் அது தடைபடுகிறது.
இங்கிருந்து அஜித், விஜய் ஆகியோர்களின் ஆடுபுலி ஆட்டம் ஆரம்பமாகிறது. இருவருக்கும் இடையே பல ஆக்சன் காட்சிகள் நடைபெறுகிறது. ஒரு கட்டத்தில் விஜய் இந்தியாவில் இருந்து வந்திருக்கும் போலீஸ் என்றும், இந்தியாவில் நடைபெறும் குற்றங்களுக்கு காரணமான டான் ஐ பிடிப்பதுதான் தனது நோக்கம் என்றும் கூறுகிறார். அந்த டானை தனக்கு தெரியும் என்றும், தான் அந்த பிடிக்க உதவுவதாகவும், அதற்கு முன்னர் தனது உயிர் நண்பன் அர்ஜூனனை கொன்ற ஜெட்லியை கொல்லவும், சூதாட்ட கிளப்பில் மிகபெரிய கொள்ளைக்கு விஜய் உதவ வேண்டும் என்று கண்டிஷன் போடுகிறார். இருவரும் இணைந்து எப்படி ஜெட்லியை ஒழிக்கின்றார்கள் என்பது தான் மீதிக்கதை
இந்நிலையில் இளையதளபதி விஜய், தல அஜித்திடம் 'இந்த முறை நாம் இருவரும் இணைந்து நமது பொது எதிரியை அழிப்போம். ஆனால் அடுத்த முறை நான் உன்னையும் பிடிக்க வருவேன்' என்று கூற அப்போது தல அஜித், 'ஐ யாம் வெயிட்டிங்' என்று சிரித்து கொண்டே கூறுகிறார்.
மேலும் இந்த கதையில் சூதாட்ட கிளப்பின் வர்ணனையாளராக மிர்ச்சி சிவா, அந்த கிளப்பின் நடனக்காரியாக விஜயலட்சுமி, காளையை அடக்கும் வீரர்களில் ஒருவராக ஜெய், விஜய் வசந்த் தெருப்பாடகனா, அஜய் ராஜ் அலியாபட்டின் கேமிராமெனாக, நடிப்பார்கள்.
பின்குறிப்பு: இந்த கதை முழுக்க முழுக்க எங்களுடைய கற்பனையே. இந்த கதைக்கும் இயக்குனர் வெங்கட்பிரபுவுக்கும் எந்த வித சம்பந்தமும் இல்லை.