தல அஜித் நடிப்பில் இயக்குனர் சிவா இயக்கி வந்த 'விவேகம்' படத்தின் ஒருசில காட்சிகளின் படப்பிடிப்பிற்காக அஜித், விவேக் ஓபராய் உள்பட படக்குழுவினர் மீண்டும் கடந்த வாரம் செர்பியா சென்றதாக வெளிவந்த செய்தியை ஏற்கனவே பார்த்தோம்.

இந்த நிலையில் இந்த படப்பிடிப்பு கடந்த வியாழன் அன்று முடிவடைந்ததை அடுத்து படக்குழுவினர் தற்போது சென்னை திரும்பியுள்ளனர். இன்று காலை தல அஜித் சென்னை விமான நிலையத்தில் வந்து இறங்கியபோது அங்கிருந்த அஜித் ரசிகர்கள் 'தல' தரிசனத்தை கண்டு மகிழ்ச்சி அடைந்தனர்.

'விவேகம்' படத்தின் படப்பிடிப்பு தற்போது முற்றிலும் முடிவடைந்ததை அடுத்து போஸ்ட் புரடொக்ஷன்ஸ் பணிகள் முடுக்கிவிடப்பட்டுள்ளது. மேலும் இந்த படத்தின் டிரைலர் மற்றும் பாடல்கள் ரிலீஸ் தேதி விரைவில் அறிவிக்கப்படும் என தெரிகிறது.

சத்யஜோதி பிலிம்ஸ் நிறுவனத்தின் பிரமாண்டமாக தயாரிப்பில் உருவாகியுள்ள 'விவேகம்' படத்தில் அஜித், காஜல் அகர்வால், அக்சராஹாசன், விவேக் ஓபராய் உள்பட பலர் நடித்துள்ளனர். சிறுத்தை சிவா இயக்கத்தில் அனிருத் இசையில் உருவாகியுள்ள இந்த படம் வரும் ஆகஸ்ட் 10ஆம் தேதி வெளியாகும் என்று எதிர்பார்க்கப்படுகிறது.