தல அஜித் நடிப்பில் உருவாகியுள்ள 'நேர் கொண்ட பார்வை' திரைப்படம் வரும் ஆகஸ்ட் 8ஆம் தேதி உலகம் முழுவதும் வெளியாகவுள்ளது. இந்த படத்தின் டிரைலர் ரிலீசுக்கு பின் இந்த படத்தின் எதிர்பார்ப்பு உச்சத்திற்கு சென்றுள்ளதால் இந்த படத்தின் ஓப்பனிங் வசூல் புதிய சாதனையை ஏற்படுத்தும் என்றே எதிர்பார்க்கப்படுகிறது.

இந்த நிலையில் அஜித்தின் அடுத்த படமான 'தல 60' படத்தையும் 'நேர் கொண்ட பார்வை' படத்தின் தயாரிப்பாளர் போனிகபூர் தயாரிக்கவுள்ளார் என்பது தெரிந்ததே. இந்த நிலையில் 'தல 60' படத்தின் அதிகாரபூர்வ அறிவிப்பையும் பூஜை குறித்த தகவலையும் போனிகபூர் தனது சமூக வலைத்தள பக்கத்தில் தெரிவித்துள்ளார். மேலும் 'நேர் கொண்ட பார்வை' படத்தில் பணிபுரிந்த அனைத்து கலைஞர்களுக்கும் போனிகபூர் தனது நன்றியை தெரிவித்துள்ளார்.

'தல 60' திரைப்படம் வரும் ஆகஸ்ட் மாதம் இறுதியில் பூஜையுடன் படப்பிடிப்பு தொடங்கும் என்று போனிகபூர் தெரிவித்துள்ளார். எனவே ஆகஸ்ட்டில் 'நேர் கொண்ட பார்வை' ரிலீஸ் மற்றும் 'தல 60' பூஜை என தல ரசிகர்களுக்கு இரட்டை விருந்து காத்திருக்கின்றது. எச்.வினோத் இயக்கும் 'தல 60' திரைப்படம் ஒரு மோட்டார் சைக்கிள் ரேஸ் குறித்த கதையம்சம் கொண்டது என்றும், இந்த படத்தில் அஜித் வித்தியாசமான கெட்டப்புடன் தோன்றவுள்ளதாகவும் கூறப்படுகிறது.

A big thank you to the entire unit of #NerkondaPaarvai for working towards August 8th release. Happy to announce our next AK60 with #AjithKumar #HVinoth and @ZeeStudios will start with Pooja end August 2019.@SureshChandraa @DoneChannel1

— Boney Kapoor (@BoneyKapoor) July 29, 2019