தல அஜித் நடித்து வரும் 'விஸ்வாசம்' படத்தின் படப்பிடிப்பு இறுதிகட்டத்தில் உள்ள நிலையில் அஜித்தின் அடுத்த படமான 'தல 59 திரைப்படம் நேற்று கையெழுத்தாகிவிட்டதாக கூறப்படுகிறது. இந்த படத்தை 'சதுரங்க வேட்டை' மற்றும் 'தீரன் அதிகாரம் ஒன்று' படங்களை இயக்கிய எச்.வினோத் இயக்கவுள்ளதாகவும் ஸ்ரீதேவியின் கணவர் போனி கபூர் தயாரிக்கவுள்ளதாகவும் கூறப்படுகிறது.

மேலும் இந்த படத்திற்கு இசையமைக்க ஏ.ஆர்.ரஹ்மானுடன் பேச்சுவார்த்தை நடந்து வருவதாகவும் விரைவில் இதுகுறித்த அறிவிப்பு வெளிவரும் என்றும் கூறப்படுகிறது. இதற்கு முன்னர் கடந்த 2006ஆம் ஆண்டு அஜித் நடிப்பில் வெளிவந்த 'வரலாறு' படத்திற்கு ஏ.ஆர்.ரஹ்மான் இசையமைத்தார் என்பதும் 12 வருடங்களுக்கு பின் அவர் மீண்டும் அஜித்துடன் இணைகிறார் என்பதும் குறிப்பிடத்தக்கது.

2019ஆம் ஆண்டு பிப்ரவரியில் இந்த படத்தின் படப்பிடிப்பு தொடங்கி அடுத்த ஆண்டு தீபாவளிக்கு படத்தை வெளியிட திட்டமிடப்பட்டுள்ளதாக தெரிகிறது. இந்த படம் குறித்த அதிகாரபூர்வ அறிவிப்பு விரைவில் வெளிவரும் என்று கூறப்படுகிறது.