'தல 57' குறித்த அறிவிப்பு
- IndiaGlitz, [Friday,May 27 2016]
தல அஜித் நடிக்கவுள்ள அடுத்த படம் குறித்த முக்கிய தகவல்களை இன்று மாலை 05.07 மணிக்கு அறிவிக்க உள்ளதாக தயாரிப்பு நிறுவனமான சத்யஜோதி நிறுவனத்தின் தரப்பில் இருந்து கடந்த சில மணி நேரங்களுக்கு தகவல்கள் வெளிவந்தது. இதனால் தல ரசிகர்கள் உற்சாகமாக இந்த அறிவிப்பினை எதிர்பார்த்து காத்திருந்தனர்.
இந்நிலையில் சற்று முன்னர் சத்யஜோதி பிலிம்ஸ் நிறுவனத்தின் சமூக வலைத்தள பக்கத்தில் 'தல 57' படம் குறித்த தகவல்களை இன்னொரு நாள் அறிவிக்கவுள்ளதாகவும் காலதாமதத்திற்கு வருந்துவதாகவும் விளக்கமளித்துள்ளது.
இருப்பினும் இந்த படத்திற்கு இசையமைக்க அனிருத் ஒப்பந்தம் செய்யப்பட்டிருப்பது உறுதி செய்யப்பட்டுள்ளதாக நம்பத்தகுந்த வட்டாரங்களில் இருந்து செய்திகள் வெளிவந்துள்ளது. விரைவில் 'தல 57' படத்தின் அதிகாரபூர்வ அறிவிப்பு வெளிவரும் என 'தல ரசிகர்களுடன் இணைந்து நாமும் பொறுத்திருப்போம்.