தல அஜித் நடித்து வரும் 'தல 57' படத்திற்கு இதுவரை இல்லாத அளவில் மிகப்பெரிய எதிர்பார்ப்பு ஏற்பட்டுள்ளது. குறிப்பாக தமிழில் இது ஒரு ஜேம்ஸ்பாண்ட் படம் என இந்த படத்தின் இசையமைப்பாளர் அனிருத் கூறியதில் இருந்து எதிர்பார்ப்பின் விகிதம் எகிறியது.

இந்நிலையில் இந்த படத்தின் படப்பிடிப்பு கிட்டத்தட்ட இறுதிக்கட்டத்தை நெருங்கிவிட்டாலும், இந்த படத்தின் டைட்டில், ஃபர்ஸ்ட்லுக் என எதுவுமே அதிகாரபூர்வமாக வெளியாகவில்லை. இதனால் அஜித் ரசிகர்கள் அதிருப்தியில் இருக்கும் நிலையில் தற்போது பிப்ரவரி 2ஆம் தேதி வியாழக்கிழமை செண்டிமெண்ட்படி இந்த படத்தின் ஃபர்ஸ்ட்லுக் ரிலீஸ் தேதி உள்பட முக்கிய அறிவிப்பு வெளியாகவுள்ளதாக கூறப்படுகிறது.

அஜித், காஜல் அகர்வால், அக்சராஹாசன், விவேக் ஓபராய் உள்பட பலர் நடித்து வரும் இந்த படத்தை இயக்குனர் சிவா இயக்கி வருகிறார். அனிருத் இசையமைக்கும் இந்த படத்தை சத்யஜோதி பிலிம்ஸ் நிறுவனம் பெரும் பொருட்செலவில் தயாரித்து வருகிறது.