தல அஜித் நடித்து வரும் 57வது படமான 'அஜித் 57' படத்தின் படப்பிடிப்பு இறுதிக்கட்டத்தை நெருங்கியுள்ள நிலையில் இந்த படத்தின் டைட்டிலுடன் கூடிய பர்ஸ்ட்லுக்கை அஜித் ரசிகர்கள் பெரிதும் எதிர்பார்த்து உள்ளனர். ஒரு கட்டத்தில் அஜித் ரசிகர்கள் ஃபர்ஸ்ட்லுக்கிற்காக இயக்குனர் சிறுத்தை சிவாவை சமூக வலைத்தளங்கள் மூலம் அன்புடன் மிரட்டும் அளவுக்கு அவர்களுடைய ஆர்வம் சென்றுவிட்டது.

கடந்த தீபாவளி, பொங்கல், குடியரசு தினம் ஆகிய தினங்களில் இந்த படத்தின் ஃபர்ஸ்ட்லுக் குறித்த அறிவிப்பு வெளிவரும் என்று ஏங்கியிருக்கும் அஜித் ரசிகர்களுக்காக தற்போது புதிய தகவல் வந்துள்ளது.

இதன்படி அஜித் 57' படத்தின் டைட்டிலுடன் கூடிய ஃபர்ஸ்ட்லுக் நாளை அதிகாலை அதாவது பிப்ரவரி 2ஆம் தேதி 12.01 மணிக்கு வியாழக்கிழமை செண்டிமெண்ட்படி வெளிவரவுள்ளதாக தகவல்கள் வெளிவந்துள்ளது. இந்த தகவல் உண்மையெனில் இன்று இரவு அஜித் ரசிகர்களுக்கு சிவராத்திரிதான் என்பதில் சந்தேகம் இல்லை