இசை மேதையை நேரில் சந்தித்து ஆசிபெற்ற விஷாலின் 'நம்ம அணி'
- IndiaGlitz, [Tuesday,April 04 2017]
கடந்த ஞாயிறு அன்று நடைபெற்ற தமிழ் திரைப்பட தயாரிப்பாளர் சங்க தேர்தலில் விஷாலின் நம்ம அணியினர் பெரும்பாலான பதவிகளில் வெற்றி பெற்றனர். வெற்றி பெற்ற அனைவரும் வரும் 6ஆம் தேதி ஸ்ரீராகவேந்திரா திருமண மண்டபத்தில் பதவியேற்கவுள்ளனர்.
இந்நிலையில் சற்று முன்னர் விஷால், பிரகாஷ்ராஜ், பார்த்திபன் உள்பட 'நம்ம அணி' நிர்வாகிகள் இசைஞானி இளையராஜாவை மரியாதை நிமித்தமாக சந்தித்து ஆசி பெற்றனர். வெற்றி பெற்ற நிர்வாகிகள் அனைவருக்கு இளையராஜா வாழ்த்து தெரிவித்தார்.
ஏற்கனவே நேற்றைய செய்தியாளர் சந்திப்பில், 'இசையமைப்பாளர் இளையராஜாவிடம் அனுமதி பெற்று விழா நடத்த திட்டமிட்டுள்ளதாக விஷால் கூறியிருந்தார் என்பது குறிப்பிடத்தக்கது. இதுகுறித்து இந்த சந்திப்பில் பேசப்பட்டிருக்கும் என்று எதிர்பார்க்கப்படுகிறது. மேலும் இளையராஜா 1000 படங்களுக்கு இசையமைத்து செய்த உலக சாதனைக்காக நடிகர் சங்கம் மற்றும் தயாரிப்பாளர் சங்கம் இணைந்து மிகப்பெரிய பாராட்டுவிழா ஒன்று விரைவில் நடத்தப்படவிருப்பதாக கூறப்படுகிறது.