கடந்த ஏப்ரல் மாதம் தமிழ்த் திரைப்படத் தயாரிப்பாளர் சங்கத் தேர்தல் நடைபெற்றது. இந்த தேர்தலில் விஷால் அணி அமோக வெற்றி பெற்றது. விஷால் தலைவராகவும், பிரகாஷ்ராஜ், கெளதம் மேனன் ஆகியோர் துணைத்தலைவர்களாகவும், செயலாளராக ஞானவேல்ராஜா அவர்களும், பொருளாளராக எஸ்.ஆர்.பிரபு அவர்களும் வெற்றி பெற்றனர்.

இந்த நிலையில் தேர்தல் முடிவடைந்து புதிய உறுப்பினர்கள் பதவியேற்று சுமார் ஏழு மாதம் காலம் முடிந்துவிட்ட நிலையில் தற்போது முதல் பொதுகுழு கூட்டம் குறித்த அறிவிப்பு வெளியாகியுள்ளது.

தேர்தலுக்கு பின்னர் நடைபெறும் இந்த முதல் பொதுகுழு கூட்டம் டிசம்பர் 10ஆம் தேதி சென்னை கலைவாணர் அரங்கில் காலை 10.30 மணிக்கு நடைபெறும் என்று அறிவிக்கப்பட்டுள்ளது. இந்த பொதுக்குழுவில் தயாரிப்பாளர்களின் நலனை கருத்தில் கொண்டு பல அதிரடி முடிவுகள் எடுக்கப்படலாம் என்று எதிர்பார்க்கப்படுகிறது.