தளபதி விஜய் நடிப்பில் அட்லி இயக்கிய 'மெர்சல்' திரைப்படம் கடந்த தீபாவளி அன்று திரைக்கு வந்து மாபெரும் வரவேற்பை பெற்றது. இந்த படம் சென்னை உள்பட உலகம் முழுவதும் வசூலில் சாதனை செய்திருந்தாலும் இந்த படத்தின் கதை கமல்ஹாசனின் அபூர்வ சகோதரர்கள்' மற்றும் ரஜினியின் 'மூன்றுமுகம்' படங்களின் காப்பி என்று ஒருசில விமர்சகர்களால் விமர்சனம் செய்யப்பட்டது.

ஆனால் 'அபூர்வ சகோதரர்கள்" படத்தை தயாரித்து நடித்த கமல்ஹாசனே 'மெர்சல்' படத்தை பார்த்து விஜய் மற்றும் அட்லியை அழைத்து பாராட்டு தெரிவித்தார் என்பது குறிப்பிடத்தக்கது. இந்த நிலையில் "மூன்று முகம்" படத்தின் ரீமேக் உரிமத்தை வைத்துள்ள ஃபைவ் ஸ்டார் பிலிம்ஸ் அளித்த புகாரின் பேரில் "மெர்சல்" படத்தை இயக்கிய அட்லிக்கு தமிழ் திரைப்பட தயாரிப்பாளர் சங்கம் நோட்டீஸ் அனுப்பியுள்ளதாக செய்தி வெளிவந்துள்ளது.

இந்த நோட்டீஸ்-க்கு அட்லி என்ன பதில் அளிக்க போகிறார் என்பதை பொறுத்திருந்து பார்ப்போம்