பிரபல நடிகை ஒருவருடன் டென்னிஸ் வீரர் லியாண்டர் பயஸ் டேட்டிங் செய்து கொண்டிருப்பதாக செய்திகள் வெளியாகி உள்ளது. மேலும் இது குறித்த புகைப்படங்களும் வைரலாகி வருகிறது என்பது குறிப்பிடத்தக்கது.

திரையுலகைச் சேர்ந்தவர்களும் விளையாட்டு நட்சத்திரங்களும் அவ்வபோது டேட்டிங் செய்து கொள்வதும் அதன்பின்னர் திருமணம் செய்துகொள்ளும் நிகழ்வுகளையும் நாம் பார்த்து வருகிறோம். அந்த வகையில் பிரபல டென்னிஸ் வீரர் லியாண்டர் பயஸ் பாலிவுட் நடிகை கிம் சர்மா உடன் டேட்டிங்கில் ஈடுபட்டுள்ளதாக தகவல்கள் வெளிவந்துள்ளது. இருவரும் கோவாவில் உள்ள ரிசார்ட் ஒன்றில் ஓய்வை கழிக்கும் புகைப்படங்கள் தற்போது சமூக வலைதளங்களில் வைரல் ஆகி வருகிறது என்பது குறிப்பிடத்தக்கது.

கோவாவில் உள்ள பவுசடா என்ற பீச்சில் உள்ள தனியார் ரிசார்ட்டில் இருவரும் தங்கி இருப்பது போன்றும், இருவரும் ரொமான்ஸ் உடன் கட்டியணைத்து போஸ் கொடுப்பது போன்ற புகைப்படங்கள் இன்ஸ்டாகிராம் பக்கங்களில் வைரலாகி வருகிறது. மேலும் நடிகை கிம்சர்மாவும் தனது இன்ஸ்டாகிராம் பக்கத்தில் தான் காதலில் விழுந்து உள்ளதை உறுதி செய்துள்ளார் என்பது குறிப்பிடத்தக்கது.

இதனையடுத்து லியாண்டர் பயஸ் மற்றும் கிம்சர்மா ஆகிய இருவரும் விரைவில் திருமணம் செய்து கொள்வார்கள் என்று எதிர்பார்க்கப்படுகிறது.