சூப்பர் ஸ்டார் ரஜினிகாந்த் அவர்கள் கண்டக்டராக பணிபுரியும்போது அவருடைய ஸ்டைலை பார்த்து தான் அவருக்கு சினிமா வாய்ப்பு வந்தது என்பது அனைவரும் அறிந்ததே. அதைபோல வருங்கால சூப்பர்ஸ்டார்களாக தற்போது பணிபுரிந்து கொண்டிருக்கும் தற்காலிக கண்டக்டர்கள் உருவாக வாய்ப்பு இருப்பதாக பேருந்து பயணிகள் கூறுகின்றனர்.

பொதுவாக கண்டக்டர்கள் காக்கி அல்லது நீல நிற உடையணிந்து பணிபுரிவார்கள். ஆனால் போக்குவரத்து தொழிலாளர்களின் வேலைநிறுத்தம் காரணமாக தற்போது தினக்கூலி அடிப்படையில் பணிபுரிந்து கொண்டிருக்கும் கண்டக்டர்கள் ஜீன்ஸ் பேண்ட் உள்பட விதவிதமான உடையணிந்து பணிபுரிந்து வருகின்றனர். ஒருசிலர் ஸ்டைலாக லுங்கியை மடித்து கட்டி, கையில் கண்டக்டர் பைக்கு பதிலாக மஞ்சப்பையை வைத்து ஸ்டைலாக டிக்கெட் கொடுக்கின்றனர்.

புதுவித காஸ்ட்யூமுடன் ஸ்டைலாக டிக்கெட் கொடுக்கும் இந்த கண்டக்டர்கள் நிச்சயம் ஒருநாள் சூப்பர் ஸ்டார் ரஜினியை போன்று பெரிய ஆளாக வருவார்கள் என்று பயணிகள் கமெண்ட் அடித்து வருகின்றனர்.